மேற்காசிய நாடான இஸ்ரேல் மீது, காசாவை கட்டுப்பாட்டில் வைத்துள்ள ஹமாஸ் பயங்கரவாத அமைப்பு, 2023ம் ஆண்டு அக்டோபரில் தாக்குதல் நடத்தியது. இதைத் தொடர்ந்து, ஹமாஸ் பயங்கரவாத அமைப்பின் மீது இஸ்ரேல் போர் தொடுத்தது. ஹமாஸ் தலைவர்களை குறிவைத்து, துல்லிய தாக்குதல்கள் நடத்தி, இஸ்ரேல் படைகள் கொன்று வருகின்றன.
காசாவை கையில் வைத்திருக்கும் ஹமாஸ் பயங்கரவாதிகளுக்கு எதிராக இஸ்ரேல் தீவிர போரில் ஈடுபட்டுள்ளது. 2023 அக்டோபர் 7ம் தேதி இஸ்ரேலில் புகுந்து ஹமாஸ் பயங்கரவாதிகள் நடத்திய கொடிய தாக்குதலில் அப்பாவி மக்கள் 1200 பேர் கொல்லப்பட்டனர்.
250 பேரை பிணைக்கைதிகளாக பயங்கரவாதிகள் பிடித்து சென்றனர். பதிலடி கொடுக்கவும், பிணைக்கைதிகளை மீட்கவும் தான் காசாவில் போரை துவங்கியது இஸ்ரேல். டிரம்ப் அதிபரானதும் போர் நிறுத்தம் அமலுக்கு வந்தது. ஏராளமான பிணைக்கைதிகள் விடுவிக்கப்பட்டனர்.
இதையும் படிங்க: இஸ்ரேல் செய்த பயங்கரம்.. 60 சடலங்களுடன் ஈரானை உலுக்கிய இறுதி ஊர்வலம்..!
ஆனால் எல்லா பயங்கரவாதிகளையும் ஒரே நேரத்தில் விடுவிக்க ஹமாஸ் மறுத்ததால் 60 நாட்களில் போர் நிறுத்தம் முடிவுக்கு வந்தது. இதனால் தான் 2 மாதம் முன்பு மீண்டும் காசாவில் போரை துவங்கியது இஸ்ரேல்.
தொடர்ந்து காசா மக்கள் போரால் பாதிக்கப்பட்டு வருகின்றனர். இந்த நிலையில் 2 தினங்களுக்கு முன்பு காஸாவில் இஸ்ரேல் நடத்திய வான்வழி தாக்குதலில், ஹமாஸ் இணை நிறுவனர் ஹகம் முகமது இஸ்ஸா அல்-இஸ்ஸா கொல்லப்பட்டதாக இஸ்ரேல் ராணுவம் அறிவித்துள்ளது.
கொல்லப்பட்ட ஹமாஸ் இணை நிறுவனர் முகமது இஸ்ஸா, 2023 அக்டோபர் 7ம் தேதி இஸ்ரேலில் நடத்தப்பட்ட தாக்குதலில் முக்கிய சூத்திரதாரியாக இருந்தவர். ஹமாஸின் ராணுவ திட்டமிடலில் முக்கிய பங்கு வகித்தவர்.
ஹமாஸ் படை வீரர்களுக்கு பயிற்சி அளிக்கும் அகாடமியை நிறுவி அவர்களுக்கு பயிற்சி அளிக்கும் திட்டத்தையும் இவர்தான் முன்னின்று நடத்தி வந்தார். இஸ்ரேல் நடத்திய நடத்தப்பட்ட ராணுவ தாக்குதலில், முகமது இஸ்ஸாவுடன் அவருடைய மனைவி, பேரப் பிள்ளைகளும் இறந்திருக்கலாம் என இஸ்ரேல் நம்புகிறது.
கடந்த மே மாதம் இஸ்ரேல் நடத்திய தாக்குதலில் ஹமாஸ் அமைப்பின் தலைவர் முகமது சின்வார் கொல்லப்பட்டார். அதற்கு முன்பு அந்தப் பொறுப்பில் இருந்த அவருடயை சகோதரர், கடந்தாண்டு இஸ்ரேல் தாக்குதலில் கொல்லப்பட்டார். இப்போது அந்த அமைப்பின் இணை நிறுவனரும் கொல்லப்பட்டு இருப்பதாக இஸ்ரேல் தெரிவித்துள்ளது.
இதையும் படிங்க: ஈரானை தொடர்ந்து இஸ்ரேலை தாக்கும் ஏமன்..! மேற்கு ஆசியாவில் ஓயாத மரண ஓலம்!!