திமுகவும் மார்க்சிஸ்ட் கம்யூனிஸ்ட் கட்சியும் தமிழ்நாட்டு அரசியலில் நீண்டகால கூட்டணி உறவு கொண்டுள்ளன. இந்த உறவு ஏறக்குறைய ஆறு தசாப்தங்களுக்கும் மேலாக தொடர்கிறது. இது தேர்தல் கூட்டணி மட்டுமல்லாமல், சமூக நீதி, மதச்சார்பின்மை, மத்திய அரசின் அதிகார மையப்படுத்தலுக்கு எதிரான போராட்டம் ஆகியவற்றில் பொதுவான கொள்கை அடிப்படையில் அமைந்துள்ளது.

2000களின் பிற்பகுதியிலிருந்து பெரும்பாலும் திமுக தலைமையிலான கூட்டணியுடன் இணைந்து சிபிஎம் செயல்பட்டு வருகிறது. 2006 சட்டமன்றத் தேர்தலில் திமுக அணியில் சிபிஎம் கட்சிக்கு 13 இடங்கள் ஒதுக்கப்பட்டு 9 இடங்களில் வென்றது.

இது அக்கட்சியின் வலுவான கூட்டணி காலங்களில் ஒன்று. 2021 சட்டமன்றத் தேர்தலில் திமுக தலைமையிலான கூட்டணியில் CPM-க்கு 6 இடங்கள் ஒதுக்கப்பட்டன. அதில் 4 இடங்களில் வென்றது. 2024 மக்களவைத் தேர்தலில் திமுக அணியில் CPM- க்கு 2 தொகுதிகள் ஒதுக்கப்பட்டு இரண்டிலும் வென்றது. இதேபோல் CPI-க்கும் 2 இடங்கள் ஒதுக்கப்பட்டிருந்தன. தற்போது 2026 சட்டமன்றத் தேர்தலுக்கு முன்னதாக CPM திமுகவிடம் அதிக இடங்கள் கோரியுள்ளது.

இதையும் படிங்க: தொடரும் பாலியல் வேட்டை... வாய் கூசாம வசனம் பேசுறீங்களே ஸ்டாலின்? பந்தாடிய வானதி சீனிவாசன்..!

இருப்பினும் திமுகவில் தொகுதி குறைத்து வழங்கும் யோசன இருப்பதாக சொல்லப்படுகிறது. இந்த நிலையில் தனது கூட்டணி கட்சிகளுடன் திமுக தொகுதி பங்கீடு பேச்சுவார்த்தை நடத்தி வருகிறது. ஒவ்வொரு கட்சி நிர்வாகிகளிடமும் பேச்சுவார்த்தை குழுவினர் ஆலோசனை நடத்தி வருகின்றனர். இன்று சிபிஎம் கட்சி நிர்வாகிகளுடன் திமுக கூட்டணி தொகுதி பங்கீடு பேச்சுவார்த்தை குழுவினர் ஆலோசனை நடத்துகின்றனர். 

இதையும் படிங்க: அதிர்ச்சி சம்பவம்... திமுக மாநாட்டுக்கு சென்ற மினிவேன் கவிழ்ந்து விபத்து..!!