தேசிய தலைநகர் டெல்லியில் நடந்த கார் குண்டு வெடிப்பு சம்பவம் நாட்டையே உலுக்கியது. இதில் இதுவரை 12 பேர் கொல்லப்பட்ட நிலையில், பலரும் படுகாயமடைந்து சிகிச்சை பெற்று வருகின்றனர். இந்த மிகப்பெரிய குண்டு வெடிப்பு காரணமாக அருகிலுள்ள வாகனங்களும் முற்றிலும் சேதமடைந்தது. இந்த சம்பவம் குறித்த விசாரணையை விரைவுபடுத்த தேசிய புலனாய்வு நிறுவனம் (NIA) சமீபத்தில் ஒரு சிறப்பு குழுவை அமைத்துள்ளது. 

இருப்பினும், விசாரணை அதிகாரிகள் இந்த குண்டுவெடிப்புத் தாக்குதலை ஆராயும்போது, இது தொடர்பான பரபரப்பான உண்மைகள் ஒவ்வொன்றாக வெளிச்சத்திற்கு வருகின்றன. டெல்லி குண்டுவெடிப்பு தாக்குதலில் குற்றம் சாட்டப்பட்ட மூன்று மருத்துவர்கள் 'அல் ஃபலா' பல்கலைக்கழகத்தைச் சேர்ந்தவர்கள் என்று கண்டறியப்பட்டுள்ளது. அவர்கள் அனைவரும் ஜெய்ஷ்-இ-முகமது பயங்கரவாதக் குழுவைச் சேர்ந்தவர்கள் என்ற சந்தேகம் உள்ளது. இருப்பினும், பல்கலைக்கழகம் இந்த விஷயங்களை மறுத்துள்ளது.

ஹரியானா-டெல்லி எல்லையிலிருந்து 27 கி.மீ தொலைவில் உள்ள ஃபரிதாபாத்தின் தௌஜ் கிராமத்தில் 'அல் ஃபலாஹ்' பல்கலைக்கழகம் அமைக்கப்பட்டுள்ளது. இது ஒரு தனியார் பல்கலைக்கழகமாகும். அதிகாரிகள் சமீபத்தில் இந்தப் பல்கலைக்கழகத்தை ஆய்வு செய்தனர். சுமார் 52 மருத்துவர்களிடம் விசாரணை நடத்தப்பட்டது. மறுபுறம், டெல்லி குண்டுவெடிப்பு சம்பவத்திற்கு காரணமான டாக்டர் உமர் முகமது, அல்-ஃபலாஹ் பல்கலைக்கழகத்தில் உறைவிட மருத்துவராகப் பணியாற்றியதும், அதே பல்கலைக்கழகத்தைச் சேர்ந்த இரண்டு மருத்துவர்களான முசம்மில் ஷகீல் மற்றும் ஷாஹீன் ஷாஹித் ஆகியோர் சமீபத்தில் ஒரு வழக்கில் காவல்துறையினரால் கைது செய்யப்பட்டதும் தெரிய வந்துள்ளது.

இதையும் படிங்க: நிச்சயம் நீதி கிடைக்கும்... கார் வெடி விபத்தில் காயம் அடைந்தவர்களுக்கு ஆறுதல் கூறிய பிரதமர் சூளுரை...!

இந்தச் சூழலில், இந்த மூவர் குறித்து பல்கலைக்கழக மருத்துவர்களிடம் விசாரணை நடத்தப்பட்டது. ஆனால், இந்த செய்திகளை பல்கலைக்கழக நிர்வாகம் மறுத்துள்ளது. இவை போலி செய்திகள் என்றும் உண்மைகளை தவறாக சித்தரிப்பதாகவும் கூறியுள்ளது. பல்கலைக்கழகத்தின் நற்பெயருக்கு களங்கம் விளைவிக்கும் வகையில் புலனாய்வு அமைப்புகள் செயல்படுகின்றன என்பதை தெளிவுபடுத்தியுள்ளது.

டெல்லி குண்டுவெடிப்பு தாக்குதல் சந்தேக நபர்களுக்கு பல்கலைக்கழகத்துடன் எந்த தொடர்பும் இல்லை என்று பல்கலைக்கழக நிர்வாகம் தெரிவித்துள்ளது. பல்கலைக்கழகத்தின் சுற்றுப்புறத்தில் ஆபத்தான இரசாயனங்கள் எதுவும் இல்லை என்று விளக்கியுள்ளது.

'அல் ஃபலாஹ்' பல்கலைக்கழகம் 2014 இல் நிறுவப்பட்டது. இது சுமார் 70 ஏக்கர் பரப்பளவில் பரந்து விரிந்துள்ளது. இந்த பல்கலைக்கழகம் அல் ஃபலாஹ் அறக்கட்டளையின் கீழ் நிறுவப்பட்டது. இந்த அறக்கட்டளை 1995 இல் நிறுவப்பட்டது. அதே பெயரில் ஒரு பொறியியல் கல்லூரியும் 1997 இல் நிறுவப்பட்டது. இந்த பல்கலைக்கழகத்தில் எம்பிபிஎஸ் கட்டணம் ரூ. 70 லட்சம். டெல்லி குண்டுவெடிப்பு தாக்குதலுக்குப் பிறகு, இந்த பல்கலைக்கழகம் பற்றிய கட்டுரைகள் வெளியிடப்பட்டன.

வெடித்த காரை ஓட்டிய டாக்டர் உமர் முகமது அல்-ஃபலாஹ் பல்கலைக்கழகத்தைச் சேர்ந்த மருத்துவர் என்பது அறியப்படுகிறது. அதே பல்கலைக்கழகத்தைச் சேர்ந்த மேலும் இரண்டு மருத்துவர்களான முசம்மில் ஷகீல் மற்றும் ஷாஹீன் ஷாஹித் ஆகியோர் சமீபத்தில் 2,900 கிலோ வெடிபொருட்கள் வழக்கில் போலீசாரால் கைது செய்யப்பட்டனர். இதன் காரணமாக, இந்த பல்கலைக்கழகம் மீது உரிய நடவடிக்கை எடுக்க பலர் கோரிக்கை விடுத்துள்ளனர்.

இதையும் படிங்க: கார் குண்டுவெடிப்பு பயங்கரம்... அதிர வைக்கும் நிகழ்வு... கதி கலங்க வைக்கும் சிசிடிவி காட்சிகள்...!