நாட்டின் முக்கிய துறைகளுக்கான ஜி.எஸ்.டி வரி விகிதத்தில் மாற்றங்கள் செய்யப்பட்டுள்ளன. பொதுமக்களுக்கு பயனளிக்கும் வகையில் வரிகள் எளிமைப்படுத்தப்பட்டுள்ளன- முக்கிய அறிவிப்புகளை வெளியிட்டார் மத்திய நிதியமைச்சர் நிர்மலா சீதாராமன்.

"உயிர் காக்கும் மருந்துகள் மீது இனி ஜிஎஸ்டி வரி வசூலிக்கப்படாது; பேண்டேஜ் போன்ற மருத்துவ உபகரணங்களுக்கு 5% வரி வசூலிக்கப்படும்” என நிதியமைச்சர் நிர்மலா சீதாராமன் அறிவித்துள்ளார். இதுவரை இத்தகைய பொருட்களுக்கு 12% வசூலிக்கப்பட்டது.

ஏசி, டிவி, கார் உள்ளிட்டவற்றுக்கு வரி 28 சதவீதத்தில் இருந்து 18% ஆக குறைப்பு; டிராக்டர், விவசாய உபகரணங்கள் மீதான ஜிஎஸ்டி வரி 5 சதவீதமாக குறைக்கப்பட்டுள்ளது.UHT பால், ரொட்டி, சப்பாத்தி போன்ற பொருட்கள் மீது வரி கிடையாது என்றும், சோப், ஷாம்பூ, டூத் பேஸ்ட் போன்ற சாமானியர்கள் பயன்படுத்தும் பொருட்களுக்கு 5% வரி மட்டுமே வசூலிக்கப்படும் என்றும், விவசாய உபகரணங்கள் மீதான ஜிஎஸ்டி வரி 5%ஆக குறைக்கப்படுவதாகவும் நிதியமைச்சர் நிர்மலா சீதாராமன் அறிவித்துள்ளார். 

இதையும் படிங்க: அந்த நாய் வந்ததால் இந்த நாய் வேண்டாம போச்சா? - ஆவேசத்தை கொட்டித்தீர்த்த சீமான்...!

350Cc இருசக்கர வாகனங்கள், சொகுசு கார்கள் மற்றும் தனியார் பயன்படுத்தும் விமானங்களுக்கு 40% ஜிஎஸ்டி வரி; அனைத்து மோட்டார் வாகன பாகங்களுக்கும் இனி 18% வரி வசூலிக்கப்படும்.  9 ஆட்டோ வாகனங்கள் மீதான ஜிஎஸ்டி வரி 18 சதவீதமாக குறைக்கப்படுகிறது. இதுவரை ஆட்டோ வாகனங்களுக்கு 28% வரி வசூலிக்கப்பட்டது. 

நொறுக்கு தீனிகள், வெண்ணெய் போன்ற பொருட்கள் மீது தற்போது 18% வரி வசூலிக்கப்பட்ட நிலையில் இனி 12% வசூலிக்கப்படும் 4 பான் மசாலா, சிகரெட், குட்கா, ஜர்தா, கார்பனேட்டட் குளிர்பானங்கள், சோடா போன்றவற்றுக்கு 40% ஜிஎஸ்டி வரி விதிக்கப்பட்டுள்ளது. புகையிலை பொருட்கள் மீதான வரி எப்போது அமலுக்கு வரும் என்பதை முடிவு செய்ய ஜிஎஸ்டி கவுன்சில், நிதியமைச்சர் நிர்மலா சீதாராமனுக்கு அதிகாரம் அளித்துள்ளது.

பிற பொருட்கள் மீதான புதிய ஜிஎஸ்டி வரிகள், செப்டம்பர் 22 முதல் அமலுக்கு வருகின்றன. நிர்மலா சீதாராமன் வெளியிட்டிருக்கும் அறிக்கையில், படிப்பு சம்பந்தப்பட்ட சில பொருட்களுக்கு வரியே இல்லை. மேப், சார்ட், உலக உருண்டை மாதிரி, பென்சீல், ஷார்ப்னர், க்ரையான்ஸ், பயிற்சி புத்தகங்கள், நோட்டு புத்தகங்கள் உள்ளிட்டவற்றிறு 12% வரை ஜிஎஸ்டி வரி வசூலிக்கப்பட்டது. அழிப்பானுக்கு 5% வரை வரி வசூலிக்கப்பட்டது. இனி, இவற்றிற்கு வரி இல்லை. 

இதையும் படிங்க: இனி அமெரிக்காவில் இதை செய்ய நினைத்தால் இதுதான் கதி... உலக நாடுகளை எச்சரித்த டிரம்ப்...!