அமெரிக்க அதிபர் ட்ரம்ப் இந்தியப் பொருட்களுக்கு 50 சதவீத வரி விதிச்சு, இந்தியாவுக்கும் அமெரிக்காவுக்கும் இடையில வர்த்தக மோதலை சூடு பறக்க விட்டிருக்கார். இந்தியா ரஷ்யாவிடம் இருந்து கச்சா எண்ணெய் வாங்குறதை எதிர்த்து, முதலில் 25% வரி விதிச்சவர், இப்போ மறுபடியும் 25% கூடுதல் வரி போட்டு, மொத்த வரியை 50% ஆக உயர்த்தியிருக்கார். 

இந்த வரி ஆகஸ்ட் 27-லிருந்து அமலுக்கு வருது. இந்த சூழல்ல, இந்திய பிரதமர் நரேந்திர மோடி இன்று (ஆகஸ்ட் 8, 2025) மதியம் 1 மணிக்கு ஒரு அவசர மத்திய அமைச்சரவைக் கூட்டத்தை கூட்டியிருக்கார். இந்த கூட்டத்துல, அமெரிக்காவோட இந்த அடாவடி வரி விதிப்பை எப்படி சமாளிக்குறதுன்னு முக்கிய ஆலோசனை நடத்தப் போறாரு.

ட்ரம்ப் இந்தியாவுக்கு எதிரா இப்படி கடுமையான நடவடிக்கை எடுத்ததுக்கு காரணம், இந்தியாவோட ரஷ்ய எண்ணெய் வர்த்தகம் தான். “ரஷ்யா உக்ரைனுக்கு எதிரா போர்ல இருக்கும்போது, இந்தியா அவங்களுக்கு ஆதரவா எண்ணெய் வாங்குது”ன்னு ட்ரம்ப் குற்றஞ்சாட்டி, இந்த வரியை “தேசிய பாதுகாப்பு” காரணமா விதிச்சிருக்கார். 

இதையும் படிங்க: இந்திய பொருட்களின் இறக்குமதி நிறுத்தம்! அமேசான், வால்மார்ட் முடிவால் அச்சத்தில் ஏற்றுமதியாளர்கள்..

இதனால, இந்தியாவோட துணி, மருந்து, நகைகள், பெட்ரோ கெமிக்கல் மாதிரியான ஏற்றுமதி பொருட்கள் கடுமையா பாதிக்கப்படும். 2024-25 நிதியாண்டுல இந்தியாவோட அமெரிக்க ஏற்றுமதி 86.5 பில்லியன் டாலரா இருந்தது. இந்த 50% வரி இந்த ஏற்றுமதியை கிட்டத்தட்ட 2% ஜிடிபி அளவுக்கு பாதிக்கலாம்னு பொருளாதார வல்லுநர்கள் எச்சரிக்குறாங்க.

இந்த சவாலை எதிர்கொள்ள மோடி அரசு தயாராகுது. இன்றைய அமைச்சரவைக் கூட்டத்துல, இந்த வரி பாதிப்பை குறைக்க என்னென்ன வழிகளை எடுக்கலாம்னு விவாதிக்கப்படுது. மாற்று சந்தைகளை தேடுறது, உள்நாட்டு உற்பத்தியை பலப்படுத்துறது, பிரிக்ஸ் நாடுகளோட வர்த்தகத்தை விரிவாக்குறது மாதிரியான உத்திகள் பேசப்படலாம். 

இதோட, அமெரிக்காவுடனான இராஜதந்திர பேச்சுவார்த்தைகளை தொடரவும் முடிவு செய்யப்படலாம். ஆனா, ட்ரம்ப் “இந்தியா ரஷ்ய எண்ணெய் வாங்குறதை நிறுத்துற வரை எந்த பேச்சுவார்த்தையும் இல்லை”ன்னு கறாரா சொல்லியிருக்கார்.

மோடி இந்த விவகாரத்துல தெளிவான நிலைப்பாட்டை எடுத்திருக்கார். “விவசாயிகள், மீனவர்கள், பால் பண்ணையாளர்களோட நலன் தான் எங்களுக்கு முதல் முன்னுரிமை. இதுல எந்த சமரசமும் இல்லை. இதுக்காக எவ்வளவு பெரிய விலை கொடுக்க வேண்டி இருந்தாலும் நான் தயார், இந்தியா தயார்!”ன்னு எம்.எஸ். சுவாமிநாதன் மாநாட்டுல திட்டவட்டமா சொல்லியிருக்கார். இந்திய வெளியுறவு அமைச்சகமும், “அமெரிக்காவோட வரி நியாயமில்லை, நியாயமற்றது”ன்னு கடுமையா விமர்சிச்சிருக்கு.

இந்த வரி மோதல் இந்தியாவோட பொருளாதாரத்துக்கு மட்டுமல்ல, இரு நாடுகளோட உறவுக்கும் பெரிய சவாலா இருக்கு. அமேசான், வால்மார்ட் மாதிரியான நிறுவனங்கள் இந்திய ஆர்டர்களை நிறுத்தி வச்சிருக்குறது, ஏற்றுமதியாளர்களுக்கு பெரிய அடியா இருக்கு.

இந்த சூழல்ல, மோடியோட இன்றைய அமைச்சரவைக் கூட்டம் எந்த முடிவை எடுக்கப் போகுது? ட்ரம்போட இந்த அடாவடிக்கு இந்தியா எப்படி பதிலடி கொடுக்கப் போகுதுனு? எதிர்பார்ப்பு எகிறி இருக்கு!!

இதையும் படிங்க: இந்தியா மீது அமெரிக்கா போட்ட அடுத்த குண்டு!! விடாமல் அடிக்கும் ட்ரம்ப்.. பதிலடி கொடுப்பரா மோடி?