ஈரோடு மாவட்டம் பெருந்துறையில் நாளை 3.ம் தேதி முதலமைச்சர் பங்கேற்கும் அரசு நிகழ்ச்சிக்காக  தனியார் கல்லூரியில் உள்அரங்கம்தேர்வு செய்யப்பட்டு இறுதி கட்ட ஏற்பாடுகள் செய்யப்பட்ட நிலையில் திடீரென நிகழ்ச்சி  வேறு இடத்திற்கு மாற்றம் செய்யப்பட்டுள்ளது.

விரைவில் இடைத்தேர்தல் அறிவிக்கப்பட உள்ள பெருந்துறை தொகுதியில்  முதலமைச்சர் விஜய், நாளை ரோடு ஷோ நடத்தி மக்களை சந்திக்கவும் அரசு விழாவில் நலத்திட்ட உதவிகள் வழங்கவும் ஏற்பாடுகள் செய்யப்பட்டுள்ளன.

இதற்காக பெருந்துறை அருகே தனியார் பொறியியல் கல்லூரியின் உள் அரங்கம் தேர்வு செய்யப்பட்டு இறுதி கட்ட ஏற்பாடுகள் செய்யப்பட்டிருந்தன. அமைச்சர்கள் ஆனந்த், செங்கோட்டையன், விஜய பாலாஜி ஆகியோர் பலமுறை இடத்தை பார்வையிட்டும் ஏற்பாடுகளை ஆய்வு செய்தும் சென்றிருந்தனர்.

இதையும் படிங்க: என்ன ஆச்சு... சி.எம்.விஜய் பங்கேற்கும் நிகழ்ச்சியில் திடீர் மாற்றம்... இரவோடு இரவாக நடந்தது இதுவா?

மேலும் கல்லூரி வளாகம் வரை சாலையின் இரு புறமும் தடுப்புகளும் அமைக்கப்பட்டன. கல்லூரியின் உள் அரங்கில் நான்காயிரம் பேர் அமரும் வகையில் ஏற்பாடுகள் செய்யப்பட்டு, 13 மாவட்டங்களைச் சேர்ந்த மகளிர் குழுவினருக்கு 1,150 கோடி ரூபாய் கடனுதவி வழங்குவதற்காக இந்த நிகழ்ச்சி ஏற்பாடு செய்யப்பட்டிருந்தது.

தனியார் கல்லூரி வளாகத்தில் முதலமைச்சரின் நிகழ்ச்சிக்காக அனைத்து ஏற்பாடுகளும் செய்யப்பட்டு தயார் நிலையில் வைக்கப்பட்டிருந்த நிலையில், திடீரென இடமாற்றம் செய்யப்பட்டுள்ளது.

தனியார் கல்லூரிக்கு மாற்றாக பெருந்துறையில் இருந்து காஞ்சி கோவில் செல்லும் சாலையில் உள்ள தனியார் திருமண மண்டபம் (லட்சுமி நாராயணா மண்டபம்) இதற்காக தேர்வு செய்யப்பட்டு இடமாற்றம் செய்யப்பட்டுள்ளது.

இந்த இடத்தை மாவட்ட ஆட்சியர் மற்றும் மாவட்ட காவல் கண்காணிப்பாளர் ஆகியோர்  இரவு நேரில் பார்வையிட்டு ஆய்வு செய்துள்ளனர். இந்த இடமாற்றத்திற்கான காரணம் குறித்த தகவல் வெளியாகவில்லை. இடமாற்றம் செய்யப்பட்டாலும் ரோடு ஷோ மற்றும் நிகழ்ச்சிகள் திட்டமிட்டபடி நடைபெறும் என அதிகாரிகள் தெரிவித்துள்ளனர்.

இதையும் படிங்க: விஜய் வீட்டுக்கு போகணும்... எடப்பாடி கோட்டைக்கு போகணும்! தவெக அரசை வறுத்தெடுத்த ஆர்.பி. உதயகுமார்!