90-களில் டாப் ஹீரோயினாக வலம் வந்த மீனா, இன்று தனது இன்ஸ்டாகிராம் பக்கத்தில் பதிவிட்டுள்ள போட்டோ ஒன்று ஒட்டுமொத்த அரசியல் வட்டாரத்திலும் பரபரப்பைக் கிளப்பியுள்ளது. சூப்பர் ஸ்டார் ரஜினி முதற்கொண்டு ஆசை நாயகன் அஜித் வரை ஜோடி போட்டு தென்னிந்திய மொழிகளில் டாப் ஹீரோயினாக வலம் வந்தவர் நடிகை மீனா. திருமணத்திற்கு பிறகு சினிமாவிற்கு முழுக்கு போட்ட மீனா, அவரது மரணத்திற்கு பிறகு திரைத்துறையை விட்டு முற்றிலுமாகவே விலகினார். அதன் பின்னர் மகளுக்காக வாழ்க்கையை ஆரம்பித்த மீனா தற்போது சின்னத்திரை நிகழ்ச்சிகளில் பங்கேற்று வருகிறார். 

மீனாவின் நெருங்கிய தோழிகளான குஷ்பு, கலா மாஸ்டர், ராதிகா ஆகியோர் பாஜகவில் உள்ள நிலையில், விரைவில் இந்த பட்டியலில் மீனாவும் சேர உள்ளதாக தகவல்கள் வெளியாகின. 2026ம் ஆண்டு சட்டமன்ற தேர்தலை முன்னிட்டு நட்சத்திரங்களை பாஜக தன் பக்கம் இழுத்து வருகிறது. இந்த நிலையில் தான் திடீரென டெல்லிக்கு மீனா சென்றிருக்கிறார்.

இதையும் படிங்க: உடலில் பெட்ரோல் ஊற்றி தீவைத்துக் கொண்ட பெண்... திண்டுக்கல் ஆட்சியர் அலுவலகத்தில் பரபரப்பு...!

அங்கு துணை ஜனாதிபதி ஜகதீப் தன்கரை சந்தித்து இருக்கிறார். அவரோடு எடுத்த புகைப்படங்களை தன்னுடைய சோசியல் மீடியா பக்கங்களில் மீனா பகிர்ந்து இருக்கிறார். அந்த பதிவில், "மாண்புமிகு துணைத் தலைவர் திரு ஜகதீப் தன்கர் அவர்களே, உங்களை சந்தித்தது ஒரு மரியாதை. ஐயா உங்களிடம் இருந்து நிறைய கற்றுக் கண்டேன். அது என் எதிர்காலத்தை நம்பிக்கையுடன் வழிநடத்த உதவும் என்று நான் நம்புகிறேன். உங்கள் நேரத்திற்கு மிக்க நன்றி" என்று அந்த பதிவில் மீனா குறிப்பிட்டு இருக்கிறார். அதற்கு மீனாவின் ரசிகர்கள், பாஜக தொண்டர்கள் மீனாவிற்கு வாழ்த்து கூறி வருகின்றனர். 

சட்டமன்ற தேர்தலுக்கு முன்னதாக தமிழக பாஜகவில் உள்ள ராதிகா, குஷ்பு உள்ளிட்ட அனைவருக்கும் முக்கிய பொறுப்புகளை வழங்க தலைமை முடிவெடுத்துள்ளதாக கூறப்படுகிறது. ஆனால் மீனா பாஜகவில் இணைய சம்மதித்தால், அவருக்கு மட்டும் ஸ்பெஷலாக மத்திய இணை அமைச்சர் போஸ்ட் தர பாஜக முடிவெடிடுத்துள்ளதாக கூறப்படுகிறது. மீனாவில் கட்சியில் சேர்க்கவும், துணை ஜனாதிபதியை சந்திக்க வைக்கவும் கலா மாஸ்டர் தான் முயன்று வந்ததாகக்கூறப்படுகிறது. இதனால் மீனாவின் அரசியல் பிரவேசம் பற்றிய செய்திகள் சோசியல் மீடியாவில் அதிக முக்கியத்துவம் பெற்றுள்ளன. 

இதையும் படிங்க: அடுத்த 2 மணி நேரத்தில்... 14 மாவட்டங்களில்... வானிலை மையம் அதிரடி அலர்ட்!!