தென் அமெரிக்க நாடான பிரேசிலில் அதிபர் தேர்தலின் இரண்டாம் சுற்று வாக்குப்பதிவு அக்டோபர் 25 ஆம் தேதி ஞாயிற்றுக்கிழமை நடைபெற்றது. இதில் தற்போதைய அதிபர் லூலா டாசில்வா 51.21 சதவீத வாக்குகளைப் பெற்று மீண்டும் வெற்றி பெற்றுள்ளார். 80 வயதான அவர் நான்காவது முறையாக அதிபர் பதவியைக் கைப்பற்றியுள்ளார்.
இந்த வெற்றிக்குப் பிரதமர் நரேந்திர மோடி திங்கள்கிழமை வாழ்த்து தெரிவித்தார். எக்ஸ் தளத்தில் அவர் பதிவிட்டதில், “என் அன்பு நண்பர் அதிபர் லூலா பெற்ற மகத்தான தேர்தல் வெற்றிக்கு என் மனமார்ந்த வாழ்த்துகள். பல்வேறு பரிமாணங்களைக் கொண்ட இந்தியா-பிரேசில் வியூகக் கூட்டாண்மையை மேலும் ஆழப்படுத்தவும் விரிவுபடுத்தவும் அவருடன் நெருக்கமாகப் பணியாற்ற ஆவலுடன் உள்ளேன்.
நாம் இணைந்து பல்வேறு துறைகளில் நமது ஒத்துழைப்பைத் தொடர்ந்து வலுப்படுத்துவோம். தெற்குலகில் பகிரப்பட்ட முன்னுரிமைகளை முன்னெடுத்துச் செல்வோம். மேலும் அனைவரையும் உள்ளடக்கிய, சமத்துவமான மற்றும் நிலையான ஒரு உலகத்தை நோக்கிப் பணியாற்றுவோம்” என்று குறிப்பிட்டுள்ளார்.
இதையும் படிங்க: “முதல்வர் விஜய் - மோடி சந்திப்பை கொச்சைப்படுத்த வேண்டாம்!” - நயினார் நாகேந்திரன் அதிரடி!
லத்தீன் அமெரிக்கா மற்றும் உலகத் தலைவர்களும் லூலாவுக்கு வாழ்த்து தெரிவித்துள்ளனர். மெக்சிகோ அதிபர் கிளாடியா ஷெய்ன்பாம், “ஜனநாயகம் வாழ்க! பிரேசில் மக்கள் வெற்றி பெற்றுள்ளனர். அதிபர் லூலாவுக்கு வாழ்த்துகள்!” என்று பதிவிட்டார். பொலிவிய அதிபர் ரோட்ரிகோ பாஸ் பெரேரா இரு நாடுகளுக்கும் இடையிலான உறவை வலுப்படுத்தத் தொடர்ந்து இணைந்து பணியாற்றுவோம் என்றார்.
பராகுவே அதிபர் சாண்டியாகோ பென்யா, அமெரிக்க செனட்டர் பெர்னி சாண்டர்ஸ், கனடா பிரதமர் மார்க் கார்னி, குவாத்தமாலா அதிபர் பெர்னார்டோ அரேவாலோ, உருகுவே அதிபர் யமண்டு ஓர்சி ஆகியோரும் வாழ்த்துகளைத் தெரிவித்துள்ளனர். பல தலைவர்கள் ஜனநாயகத்தின் முக்கியத்துவத்தை வலியுறுத்தியதுடன் இருதரப்பு உறவுகளை வலுப்படுத்துவதாகவும் உறுதியளித்துள்ளனர்.
லூலா டாசில்வா ஏற்கனவே 2003, 2006 மற்றும் 2022 ஆம் ஆண்டுகளில் அதிபராகப் பொறுப்பேற்றவர். முதல் சுற்றில் எந்த வேட்பாளரும் பெரும்பான்மை பெறாததால் தேர்தல் இரண்டாம் சுற்றுக்குச் சென்றது. அவரது இந்த வெற்றி குறிப்பிடத்தக்க அரசியல் மீள்வருகையாகப் பார்க்கப்படுகிறது.
இதையும் படிங்க: மோடியுடன் ஒரே காரில் முதல்வர் விஜய் பயணம்! ஐஐடியில் மலர் தூவி வரவேற்பு! ஜலகண்டேஸ்வரர் கோயிலில் சாமி தரிசனம்!