தமிழ்நாட்டில் காலியாக உள்ள ஒரு மாநிலங்களவை உறுப்பினர் பதவிக்கான வேட்புமனு தாக்கல் இன்று தொடங்குகிறது. இந்த இடைத்தேர்தல் தமிழக அரசியலில் முக்கியத்துவம் வாய்ந்ததாகக் கருதப்படுகிறது. ஏனெனில் ஆளும் தமிழக வெற்றிக் கழகம் தனது முதல் ராஜ்யசபா பிரதிநிதித்துவத்தைப் பெறும் வாய்ப்பை இது உருவாக்கியுள்ளது. வேட்புமனு தாக்கல் ஜூன் 8ம் தேதியுடன் நிறைவு பெற உள்ள நிலையில், அடுத்த ஒரிரு நாட்களில் தவெக சார்பிலான வேட்பாளர் அறிவிக்கப்படலாம் என்ற எதிர்பார்ப்பு அரசியல் வட்டாரத்தில் நிலவுகிறது. 

இந்த இடைத்தேர்தல் அதிமுகவைச் சேர்ந்த முன்னாள் அமைச்சர் சி.வி. சண்முகத்தின் ராஜினாமாவைத் தொடர்ந்து அறிவிக்கப்பட்டது. சட்டமன்றத் தேர்தலில் மைலாம் தொகுதியில் வெற்றி பெற்ற சண்முகம், மாநிலங்களவை உறுப்பினர் பதவியிலிருந்து மே 7 அன்று விலகினார். அவரது பதவிக் காலம் 2028 ஜூன் வரை இருந்த நிலையில், இந்த இடம் காலியானது. தேர்தல் ஆணையம் அறிவித்த திட்டத்தின்படி, ஜூன் 1 முதல் 8 வரை வேட்புமனுக்கள் தாக்கல் செய்யலாம்.

ஜூன் 9 அன்று மனுக்கள் பரிசீலனை, ஜூன் 11 வரை மனு திரும்பப் பெறும் கடைசி நாள். தேவைப்பட்டால் ஜூன் 18 அன்று வாக்குப்பதிவு நடைபெறும். தமிழ்நாடு சட்டமன்றத்தில் தவெக 107 உறுப்பினர்களுடன் மிகப் பெரிய கட்சியாக உள்ளது. அதன் கூட்டணிக் கட்சிகளான காங்கிரஸ், விடுதலைச் சிறுத்தைகள், இடதுசாரிகள் உள்ளிட்டவற்றின் ஆதரவுடன் இந்த எண்ணிக்கை 119 ஆக உயர்கிறது.

இதையும் படிங்க: திருச்சி கிழக்கு தொகுதி மக்களுக்கு நன்றி தெரிவிக்கும் முதல்வர்..! தவெக எம்எல்ஏக்களுக்கு தலைமை அதிரடி உத்தரவு..!

சில அதிமுக உறுப்பினர்களின் ஆதரவுடன் மொத்தம் 144 உறுப்பினர்களின் பலத்தை தவெகவால் பெற முடியும் என்று கூறப்படுகிறது. ஒரு வேட்பாளருக்கு வெற்றி பெற 117 எம்.எல்.ஏ.க்களின் ஆதரவு தேவைப்படும் நிலையில், தவெக தலைமையிலான கூட்டணி இந்த இடத்தை எளிதாகக் கைப்பற்றும் என எதிர்பார்க்கப்படுகிறது. இது தவெகவுக்கு ராஜ்யசபாவில் முதல் அடியாக அமையும். அரசியல் வட்டாரங்களில் தவெகவின் வேட்பாளர் யார் என்பது குறித்த பரபரப்பான விவாதங்கள் நடைபெற்று வருகின்றன. 

இதையும் படிங்க: திருப்பரங்குன்றத்தில் கட்டுக்கடங்காத கூட்டம்..!! மயங்கிய பக்தர்கள்... பதற்றம்..!!