சென்னை வடசென்னை புதுவண்ணாரப்பேட்டை பூண்டி தங்கம்மாள் தெரு பகுதியில் உள்ள மீனவர் குடியிருப்புப் பகுதியை ஆய்வு செய்வதற்காகவும் அப்பகுதி மக்களின் குறைகளைக் கேட்டறிவதற்காகவும் ஆர்.கே. நகர் தொகுதி சட்டமன்ற உறுப்பினரும் தமிழக நிதியமைச்சருமான மரிய வில்சன் நேரில் வருகை தந்தார். ஆய்வுப் பணிகளை முடித்தபின் செய்தியாளர்களைச் சந்தித்த அமைச்சர் பல்வேறு விஷயங்களில் கருத்து தெரிவித்தார்.

கடந்த ஆட்சிக் காலத்தில் மேற்கொள்ளப்பட்ட கட்டுமானப் பணிகள் தரமற்ற முறையில் செய்யப்பட்டுள்ளதாக அவர் குற்றம்சாட்டினார். மக்களுக்கு வாக்குறுதிகளை அளித்துவிட்டு அவற்றை முறையாக நிறைவேற்றாமல் கட்டுமானப் பணிகள் மேற்கொள்ளப்பட்டுள்ளதாகவும் தெரிவித்தார். இதுதொடர்பாக சம்பந்தப்பட்ட ஒப்பந்ததாரர்களை அழைத்து குறைபாடுகளைச் சரிசெய்து மீண்டும் பணிகளை மேற்கொள்ள அறிவுறுத்தியுள்ளதாக அவர் கூறினார்.

அன்பில் மகேஷ் தொடர்பான வழக்கு குறித்துப் பேசிய அமைச்சர், திமுக கவுன்சிலர் கைது செய்யப்பட்டிருப்பது பழிவாங்கும் நடவடிக்கை அல்ல என்று தெரிவித்தார். அன்பில் மகேஷ் தொடர்பான வழக்கு தமிழ்நாடு மட்டுமின்றி இந்திய அளவிலும் உற்று நோக்கப்படும் வழக்காக உள்ளது என்றார். இந்த வழக்கில் தலைமறைவாக இருப்பவர்கள் உள்ளிட்ட மேலும் பலர் சிக்குவார்கள் என்றும் அவர் தெரிவித்தார்.

இதையும் படிங்க: திமுக ஆட்சியில் லஞ்சம்! அமைச்சர் மரிய வில்சனுக்கு எதிரான வழக்கு மனு வாபஸ்! சென்னை ஐகோர்ட் அதிரடி!

“கரூரிலேயே கதையை முடித்திருக்கலாம்” என்று அந்தக் கட்சியைச் சேர்ந்த கவுன்சிலர் கூறியதாகக் குறிப்பிடப்பட்ட கருத்தையும் அன்பில் மகேஷ் கூறியதாகச் சொல்லப்படும் “கண்டிஷனைப் பின்பற்றுங்கள்” என்ற கருத்தையும் இணைத்துப் பார்க்க வேண்டும் என அமைச்சர் தெரிவித்தார். அந்தக் கண்டிஷன் ஊழல் பணத்தை வசூலித்துக் கொடுக்க வேண்டும் என்பதாக இருக்குமோ என்று கேள்வி எழுப்பிய அவர் இந்த விவகாரத்தில் தனது கருத்தையும் பதிவு செய்தார்.

பெண்களுக்கு வழங்கப்பட உள்ள ரூ.2,500 நிதியுதவி விரைவில் வழங்கப்படும் என்றும் அமைச்சர் தெரிவித்தார். ஆட்டோக்களுக்கான குறைந்தபட்சக் கட்டணம் உயர்த்தப்பட்டதற்கு எதிர்ப்புகள் எழுந்து வரும் நிலையில் ஆட்டோ ஓட்டுநர்களும் அவர்களது சங்கத்தினரும் இந்தக் கட்டண உயர்வை வரவேற்றுள்ளதாக அவர் கூறினார்.

வடசென்னையில் நடைபெற்ற ஆய்வின்போது குடியிருப்புப் பகுதிகளில் உள்ள கட்டுமானக் குறைபாடுகள் மற்றும் மக்களின் அடிப்படைப் பிரச்சினைகள் குறித்து ஆய்வு மேற்கொண்ட அமைச்சர் மரிய வில்சன் பின்னர் செய்தியாளர்களைச் சந்தித்து அரசியல் மற்றும் மக்கள் நலன் சார்ந்த கருத்துகளைத் தெரிவித்தார்.

இதையும் படிங்க: கரூர்லயே விஜய் கதையை முடிச்சிருக்கணும் தலைவரே! திமுக எம்.எல்.ஏ ஆவேசம்! போலீஸ் வலை!