தமிழக சட்டசபைத் தேர்தலுக்கான தயாரிப்புகள் தீவிரமடைந்து வரும் நிலையில், தமிழக வெற்றிக் கட்சி (த.வெ.க.) சார்பில் போட்டியிட விரும்புவோரிடமிருந்து விருப்ப மனு வாங்கும் பணி கடந்த 6-ம் தேதி சென்னை பனையூர் அலுவலகத்தில் தொடங்கியது. 

முதல் நாளே 10,000 மனுக்கள் விற்று தீர்ந்தன. கட்டணம் வெறும் 100 ரூபாய் என அறிவித்ததால் ஏராளமானோர் குவிந்தனர். கூட்ட நெரிசல் ஏற்பட்டதால், நேரில் வராமல் ஆன்லைன் மூலம் மனு பதிவிறக்கம் செய்யலாம் என கட்சி தலைமை அறிவித்தது.

மொத்தம் 50,000-க்கும் மேற்பட்டோர் விருப்ப மனுக்களைப் பெற்றுள்ளனர். இதில் நேரில் வந்த 10,000 பேரும், ஆன்லைன் வழியே 40,000 பேரும் அடங்குவர். ஆனால் அதிர்ச்சி தரும் தகவல் என்னவென்றால், இன்று வரை 5,000-க்கும் குறைவான மனுக்கள்தான் பூர்த்தி செய்யப்பட்டு கட்சி தலைமைக்கு அனுப்பப்பட்டுள்ளன. பல மனுக்களில் கட்டண வரைவோலை இணைக்கப்படவில்லை.

இதையும் படிங்க: தாக்குப்பிடிப்பாரா விஜய்? 3 மாசமா ஒண்ணுமே நடக்கல?! விரக்தியில் வெடித்த தவெக நிர்வாகிகள்! பனையூரில் பகீர்!

பொதுவாக எல்லா கட்சிகளிலும் விருப்ப மனு கட்டணம் 10,000 முதல் 15,000 ரூபாய் வரை இருக்கும். ஆனால் த.வெ.க.வில் 100 ரூபாய்க்கு மனு வழங்கப்பட்டதால் பலரும் ஆர்வமாக வாங்கினர்.

பின்னர் பொதுப் பிரிவினர் 10,000 ரூபாயும், எஸ்.சி./எஸ்.டி. பிரிவினர் 5,000 ரூபாயும் கட்டணமாக செலுத்த வேண்டும் என அறிவிக்கப்பட்டது. இதனால் பலர் மனுவை பூர்த்தி செய்யாமல் விட்டுவிட்டனர். “நாம் ஏன் இப்போதே 10,000 ரூபாய் செலவு செய்ய வேண்டும்?” என்ற கேள்வி பலரிடம் எழுந்தது.

இதற்கு மேலும் சேர்த்து, பல தொகுதிகளில் கட்சி நிர்வாகிகள் விருப்ப மனு சமர்ப்பிக்காமலேயே “நான் தான் வேட்பாளர்” என அறிவித்து தொகுதியை சுற்றி வருகின்றனர். தலைமையிடமிருந்து எந்த மறுப்பும் வராததால், உண்மையான வேட்பாளர்கள் குழப்பத்தில் உள்ளனர். இந்த நிலை விஜயை பெரிதும் அதிர்ச்சிக்கு உள்ளாக்கியுள்ளது.

இதனால் மனு சமர்ப்பண கால அவகாசம் வரும் 20-ம் தேதி வரை நீட்டிக்கப்பட்டுள்ளது. மாவட்டச் செயலர்களுக்கு உடனடியாக மீதமுள்ள மனுக்களை சேகரித்து அனுப்புமாறு உத்தரவு பிறப்பிக்கப்பட்டுள்ளது.

த.வெ.க.வின் முதல் சட்டசபைத் தேர்தல் பயணத்தில் இந்த விருப்ப மனு சர்ச்சை பெரும் பின்னடைவாக அமைந்துள்ளது. கட்சி தொண்டர்களிடையே ஏமாற்ற உணர்வு பரவி வருகிறது. இனி வரும் நாட்களில் வேட்பாளர் பட்டியல் எப்படி வெளியாகும் என்பது ஆவலுடன் எதிர்பார்க்கப்படுகிறது.

இதையும் படிங்க: அண்ணாதுரையை கழட்டி விட்ட தவெக! விஜய் புது ப்ளான்! நிர்வாகிகளுக்கு பறந்த உத்தரவு!