தமிழக அரசியலில் பரபரப்பை ஏற்படுத்தியுள்ள 'பார்ட்டி பண்ட்' வசூல் விவகாரம் மீண்டும் முக்கிய பேசுபொருளாக மாறியுள்ளது. முந்தைய ஆட்சிக் காலத்தில் பல்வேறு துறைகள் வழியாக கட்சி நிதி வசூல் செய்யப்பட்டதாக தமிழக வெற்றி கழக அமைச்சர்கள் தொடர்ந்து குற்றச்சாட்டுகளை முன்வைத்து வருகின்றனர்.

சமீபத்தில் நடைபெற்ற சட்டசபை கூட்டத்திலும் இந்த விவகாரம் எதிரொலித்தது. அப்போது பேசிய முதல்வர் விஜய், டாஸ்மாக் செயல்பாடுகள் மூலமாக கட்சி நிதி வசூலிக்கப்பட்டதாக குற்றம்சாட்டியதாக கூறப்படுகிறது. அவரது இந்த கருத்து சட்டசபையில் கடும் விவாதத்தை ஏற்படுத்தியது.

இதற்கு எதிர்க்கட்சி தரப்பில் கடுமையான எதிர்ப்பு பதிவு செய்யப்பட்டது. எதிர்க்கட்சி தலைவர் உதயநிதி மற்றும் தி.மு.க. உறுப்பினர்கள், குற்றச்சாட்டுகள் ஆதாரமற்றவை எனக் கூறி எதிர்ப்பு தெரிவித்தனர். மேலும், எந்த அரசியல் கட்சிக்காக நிதி வசூலிக்கப்பட்டது என்பதை தெளிவான ஆதாரங்களுடன் நிரூபிக்க முடியுமா என முதல்வருக்கு நேரடியாக சவால் விடுத்ததாக சட்டசபை வட்டாரங்கள் தெரிவிக்கின்றன.

இதையும் படிங்க: பரந்தூர் விமான நிலைய திட்டம்! முதல்வர் விஜய் கறார்! பெரிய பிரச்னையாகிவிடும் என அச்சுறுத்தும் அதிகாரிகள்!

இந்த நிலையில், அடுத்ததாக நடைபெறவுள்ள சட்டசபை கூட்டத்தொடரில் இந்த விவகாரம் மீண்டும் முக்கிய இடம் பெறும் என எதிர்பார்க்கப்படுகிறது. ஜூலை மாதத்தின் இரண்டாவது வாரத்தில் பட்ஜெட் தாக்கலுடன் சட்டசபை கூட்டம் தொடங்க உள்ள நிலையில், கட்சி நிதி வசூல் குறித்த விரிவான தகவல்களை வெளியிட முதல்வர் விஜய் தயாராகி வருவதாக தகவல்கள் வெளியாகியுள்ளன.

இதற்காக சம்பந்தப்பட்ட துறைகளில் இருந்து தகவல்கள் மற்றும் ஆவணங்களை திரட்டுமாறு அமைச்சர்கள் மற்றும் அதிகாரிகளுக்கு உத்தரவு வழங்கப்பட்டுள்ளதாக கூறப்படுகிறது. பல்வேறு துறைகளில் நடந்ததாக கூறப்படும் நிதி வசூல் தொடர்பான விவரங்கள் சேகரிக்கப்பட்டு வருவதாகவும் தகவல் வெளியாகியுள்ளது.

சட்டசபையில் இந்த விவகாரம் குறித்து விரிவான விளக்கம் அளிக்கப்படுமா, குற்றச்சாட்டுகளுக்கு ஆதாரங்கள் வெளியிடப்படுமா, அல்லது புதிய அரசியல் சர்ச்சைக்கு இது வழிவகுக்குமா என்பது குறித்து அரசியல் கட்சிகளும் பொதுமக்களும் ஆவலுடன் எதிர்பார்த்து வருகின்றனர். வரவிருக்கும் கூட்டத்தொடர் தமிழக அரசியலில் முக்கிய திருப்பத்தை ஏற்படுத்தக்கூடியதாக பார்க்கப்படுகிறது.

இதையும் படிங்க: பள்ளி மாணவர்களிடம் பல கோடி வசூல்! வினாத்தாள் கட்டணம்! ஆக்‌ஷன் எடுப்பாரா முதல்வர் விஜய்!!