வங்கக்கடலில் நிலை கொண்டுள்ள ஆழ்ந்த காற்றழுத்தத் தாழ்வு மண்டலம் இன்று புயலாக உருவெடுக்கும் என வானிலை ஆய்வு மையம் தெரிவித்துள்ளது. இந்தப் புயலுக்கு ‘அர்னாப்’ எனப் பெயர் சூட்டப்படும் எனத் தெரிவிக்கப்பட்டுள்ளது. 

அர்னாப் புயல் நாளை காலை தீவிரப் புயலாக வலுப்பெறும் என்றும், 28ஆம் தேதி அதிதீவிரப் புயலாகக் கரையைக் கடக்கும் என்றும் கணிக்கப்பட்டுள்ளது.

தமிழகம் மற்றும் புதுவை, காரைக்காலில் வடகிழக்கு பருவமழை தீவிரமடைந்து பெய்து வருகிறது. தொடர்ச்சியாக இன்று மழை விட்டு விளாசி வருகிறது. தமிழகத்தில் உள் மாவட்டங்கள், கடலோர மாவட்டங்கள், தென் மாவட்டங்கள், மேற்கு தொடர்ச்சி மலைப்பகுதி மாவட்டங்கள் என பரவலாக மழை பெய்து வருகிறது.

தொடர்ந்து பல்வேறு பகுதிகளில் கனமழை பெய்து வரும் நிலையில், கனமழை காரணமாக கோவை மற்றும் திண்டுக்கல் மாவட்டங்களில் இன்று பள்ளிகளுக்கு மட்டும் விடுமுறை அறிவிக்கப்பட்டுள்ளது.

இதையும் படிங்க: பர்லியாரில் பயங்கரம்... மண் சரிவில் சிக்கிய அரசு பேருந்து... பயணிகளின் நிலை என்ன?

இதேபோல், நீலகிரி மாவட்டத்தில் 5 தாலுக்களில் இயக்கக்கூடிய பள்ளிகளுக்கு மட்டும் விடுமுறை அறிவிப்பு வெளியாகியுள்ளது.  உதகை, குன்னூர், கோத்தகிரி, குந்தா ஆகிய தாலுக்காவில் இயங்கக்கூடிய பள்ளிகளுக்கு மட்டும் இன்றைய தினம் விடுமுறை அறிவித்து மாவட்ட நிர்வாகம் உத்தரவு பிறப்பித்திருக்கிறது. 

தற்போது, ராமநாதபுரம் மாவட்டத்திலும் கனமழை காரணமாக இன்று பள்ளிகளுக்கு மட்டும் விடுமுறை அறிவிக்கப்பட்டுள்ளது.

கனமழை காரணமாக கோவை, திண்டுக்கல், நீலகிரி மாவட்டத்தின் நான்கு வட்டங்கள் மற்றும் ராமநாதபுரம் மாவட்டத்தில் பள்ளிகளுக்கு மட்டும் இன்று விடுமுறை அறிவிக்கப்பட்டுள்ளது.

இதையும் படிங்க: அடேங்கப்பா...!! - ஓவர் நைட்டில் 25 செ.மீ. மழை பதிவா?... தமிழகத்தின் முக்கிய மாவட்டத்தில் சம்பவம் செய்த மழை...!