நாடு முழுவதும் பல்வேறு துறைகளில் உள்ள அதிக பணிச்சுமைக்கு முற்றுப்புள்ளி வைக்கும் விதமாக உச்ச நீதிமன்றம் ஒரு முக்கியமான உத்தரவைப் பிறப்பித்துள்ளது. சமூகப் பாதுகாப்பு மற்றும் நலத்திட்டங்களைச் செயல்படுத்தும் பொறுப்பில் உள்ள அமைப்புகளுக்குக் கூடுதல் பணியாளர்களை நியமிக்க வேண்டிய கடமை மாநில அரசுகளுக்கு உள்ளது என்று உச்ச நீதிமன்றம் திட்டவட்டமாகத் தெரிவித்துள்ளது.

சமூகப் பாதுகாப்புத் திட்டங்களை, குறிப்பாக முதியோர், விதவைகள் மற்றும் மாற்றுத்திறனாளிகளுக்கான திட்டங்களைச் செயல்படுத்தும் பொறுப்பில் உள்ள அமைப்புகளுக்குத் போதுமான ஊழியர்களை நியமிப்பது மாநில அரசுகளின் கடமையாகும்.

சமூக நலன் மற்றும் பாதுகாப்புத் திட்டங்களைச் செயல்படுத்தும் அலுவலகங்களில், ஊழியர்களின் எண்ணிக்கை குறைவாக இருப்பதுதான் அதிக பணிச்சுமைக்கு முக்கியக் காரணமாக இருக்கிறது என்று நீதிமன்றம் சுட்டிக்காட்டியுள்ளது.

இதையும் படிங்க: இன்று இந்தியா வருகிறார் ரஷ்ய அதிபர் புதின்..!! இரவு விருந்து வழங்கும் பிரதமர் மோடி..!!

எனவே, அந்தந்தத் துறைகளின் தேவைகளைப் பூர்த்தி செய்யப் போதுமான ஊழியர்களை உடனடியாக நியமிப்பதற்கான நடவடிக்கைகளை, அனைத்து மாநில அரசுகளும் மற்றும் யூனியன் பிரதேசங்களும் மேற்கொள்ள வேண்டும் என்று உச்ச நீதிமன்றம் உத்தரவிட்டுள்ளது.

இந்தத் தீர்ப்பானது, அரசால் செயல்படுத்தப்படும் மக்கள் நலத் திட்டங்கள், கூடுதல் பணியாளர்களின் நியமனம் மூலம் முறையாக மக்களைச் சென்றடைய வழிவகுக்கும் என்று எதிர்பார்க்கப்படுகிறது.

இதையும் படிங்க: கண்டுபிடித்தால் ₹583 கோடி! 227 பயணிகளின் நிலை என்ன? மாயமான MH370-ஐக் கண்டுபிடிக்க மீண்டும் தீவிரம் - மலேசியா அரசின் இறுதி முயற்சி!