மதுராந்தகம் மற்றும் தாராபுரம் சட்டமன்றத் தொகுதிகளில் நடைபெறவிருக்கும் இடைத்தேர்தலில் திராவிட முன்னேற்றக் கழகம் தலைமையிலான மதச்சார்பற்ற முற்போக்குக் கூட்டணிக்கு புதிய புரட்சி கழகம் முழு ஆதரவு அளிப்பதாக அறிவித்துள்ளது. இன்று அண்ணா அறிவாலயத்தில் உள்ள கழக அலுவலகத்தில் நடைபெற்ற சந்திப்பில் இந்த முடிவு உறுதிசெய்யப்பட்டது.

புதிய புரட்சி கழகத்தின் தலைவர் ஓ.இ.சங்கர் மற்றும் பொதுச்செயலாளர் கோல்டன் கோபி தலைமையில் மாநில நிர்வாகிகள் குழு ஒன்று தி.மு.க. தலைவர் மு.க.ஸ்டாலினை நேரில் சந்தித்தது. இதில் துணைப் பொதுச்செயலாளர் தரமணி வேலு, தலைமை நிலையச் செயலாளர் மடையத்தூர் துரைசாமி, மாநில ஒருங்கிணைப்பாளர் கே.பி.ஹரிகிருஷ்ணன், கொள்கைப் பரப்பு செயலாளர் வழக்கறிஞர் கேட் சேகர், கமலஹாசன் செல்வமணி, உமா மகேஷ்வரன், மாநிலச் செயலாளர் அஜிஸ்ராசா, மதுராந்தகம் மாவட்டச் செயலாளர் ஜி.கே.சேகர், மாவட்ட தலைவர் வி.எம்.மாரிமுத்து, பொருளாளர் இளங்கோ, அமைப்பாளர் மணிகா ஆகியோர் பங்கேற்றனர்.

பனையூர் பாபுவும் உடன் இருந்தார்.இந்த சந்திப்பின்போது புதிய புரட்சி கழகத் தலைவர்கள், நடைபெறவிருக்கும் 2026 சட்டப்பேரவை இடைத்தேர்தலில் தி.மு.க. தலைமையிலான கூட்டணிக்கு தங்களது முழு ஆதரவைத் தெரிவித்தனர். மதுராந்தகம் மற்றும் தாராபுரம் தொகுதிகளில் அறிவிக்கப்பட்டுள்ள கழக வேட்பாளர்களின் வெற்றிக்காக கழக நிர்வாகிகளும் தோழர்களும் முழுமையாக பாடுபடுவார்கள் என்றும் உறுதியளித்தனர்.

இதையும் படிங்க: நெருங்கிய இடைத் தேர்தல்... வெற்றி யாருக்கு.? இன்று முதல் சீமான் அனல் பிரச்சாரம்.!!

இந்த ஆதரவு அறிவிப்பு, இரண்டு தொகுதிகளிலும் நடைபெறும் இடைத்தேர்தலில் கூட்டணியின் பலத்தை மேலும் உறுதிப்படுத்தும் விதமாக அமைந்துள்ளது. மதுராந்தகம் மற்றும் தாராபுரம் தொகுதிகளில் உள்ள மக்களிடம் கூட்டணியின் கொள்கைகளை விளக்கி, ஆதரவைத் திரட்டும் பணிகள் விரைவில் தொடங்கும் என எதிர்பார்க்கப்படுகிறது.

இதையும் படிங்க: #BREAKING: இடைத் தேர்தல்... TVK கூட்டணி மாஸ்டர் பிளான்..! 40 நட்சத்திர பேச்சாளர்கள் பட்டியல் வெளியீடு..!!