தமிழக முதலமைச்சர் சி. ஜோசப் விஜய் தலைமையில் இன்று சென்னை தலைமைச் செயலகத்தில் அமைச்சரவைக் கூட்டம் நடைபெற்றது. புதிய அரசு அமைந்தபிறகு நடைபெறும் முக்கிய கூட்டங்களில் இதுவும் ஒன்றாக அமைந்தது. கூட்டத்தில் பல்வேறு நிர்வாக மற்றும் கொள்கை விவகாரங்கள் விவாதிக்கப்பட்டன. தமிழகத்தில் சாதிவாரி கணக்கெடுப்பு அல்லது சமூக நீதி ஆய்வு நடத்துவது குறித்த கோரிக்கைகள் நீண்டகாலமாக எழுப்பப்பட்டு வருகின்றன.

69 சதவீத இட ஒதுக்கீட்டை பாதுகாப்பதற்கும், பல்வேறு சமூகங்களின் உண்மையான மக்கள் தொகை மற்றும் சமூக-பொருளாதார நிலையை அறிந்து கொள்வதற்கும் இத்தகைய கணக்கெடுப்பு அவசியம் என பல தரப்பினரும் வலியுறுத்தி வருகின்றனர். முந்தைய காலங்களில் அரசு, மத்திய அரசின் மக்கள் தொகை கணக்கெடுப்புடன் இணைந்த சாதிவாரி எண்ணிக்கை முடிவடைந்த பிறகு மாநில அளவிலான சமூக நீதி ஆய்வை மேற்கொள்ளும் என தெரிவித்திருந்தது.

இன்றைய அமைச்சரவைக் கூட்டத்தில் இந்த விவகாரம் தொடர்பான விவாதங்கள் நடைபெற்றதாக தகவல்கள் வெளியாகி உள்ளன. சாதிவாரி கணக்கெடுப்பை நடத்துவதற்கு ஒப்புதல் அளிக்கப்பட்டுள்ளதாக சில தரப்புகளில் கூறப்படுகிறது. இது சமூக நீதியை உறுதி செய்வதற்கான முக்கிய நடவடிக்கையாக பார்க்கப்படுகிறது.

இதையும் படிங்க: முல்லை பெரியாறு அணை பாதுகாப்பு ஆய்வு: ரூ.43 லட்சம் நிதி ஒதுக்கீடு செய்து தமிழக அரசு உத்தரவு

கணக்கெடுப்பின் மூலம் ஒவ்வொரு சமூகத்திற்கும் உரிய விகிதாசார பிரதிநிதித்துவம் கிடைக்கும் வகையில் கொள்கைகள் வகுக்கப்படும் என எதிர்பார்க்கப்படுகிறது. முதலமைச்சர் விஜய் தலைமையிலான அரசு சமூக நீதியை முன்னிலைப்படுத்தி பல்வேறு நடவடிக்கைகளை மேற்கொண்டு வரும் நிலையில், இந்த ஒப்புதல் அரசின் கொள்கை நிலையை மேலும் உறுதிப்படுத்துவதாக அமைந்துள்ளது. 

இதையும் படிங்க: பெண்களுக்கு ஜாக்பாட்..! விலையில்லா கறவை மாடுகள்..!! நிதி ஒதுக்கி ஆணை..!!