தமிழக முதலமைச்சர் விஜய் அக்டோபர் 30ஆம் தேதி பசும்பொன் முத்துராமலிங்கத் தேவரின் 119வது ஜெயந்தி மற்றும் குருபூஜை தினத்தையொட்டி சென்னை நந்தனத்தில் அண்ணா சாலையில் அமைந்துள்ள தேவர் சிலைக்கு மாலை அணிவித்து மரியாதை செலுத்தினார். ஆண்டுதோறும் ராமநாதபுரம் மாவட்டம் பசும்பொன் கிராமத்தில் நடைபெறும் இந்த விழாவில் லட்சக்கணக்கான மக்கள் கூடுவது வழக்கம். 

அரசியல் தலைவர்களும் முதல்வர்களும் அங்கு சென்று நினைவிடத்தில் அஞ்சலி செலுத்துவது மரபாக இருந்து வருகிறது. ஆனால் இந்த ஆண்டு முதல்வர் விஜய் அங்கு செல்லாமல் சென்னையிலேயே சிலைக்கு மரியாதை செலுத்த முடிவு செய்தார். முன்னதாக விஜய் பசும்பொன் செல்வதாக தகவல்கள் வெளியாகி ஏற்பாடுகளும் நடந்தன. ஹெலிபேட் அமைப்பது உள்ளிட்ட பணிகள் மேற்கொள்ளப்பட்டன. ஆனால் பின்னர் உளவுத்துறை மற்றும் பாதுகாப்பு அதிகாரிகளின் எச்சரிக்கை காரணமாக அந்த திட்டம் கைவிடப்பட்டதாகத் தெரிகிறது. 

பெரும் கூட்டம் காரணமாக பாதுகாப்பு சிக்கல்கள் ஏற்படக்கூடும் என்ற கவலை இருந்ததாகக் கூறப்படுகிறது. அதேநேரம் ஒரு சமூகத்தை மட்டும் மையப்படுத்துவது போன்ற தோற்றத்தைத் தவிர்க்கும் நோக்கமும் இருப்பதாக சிலர் கருதுகின்றனர். தவெக ஆட்சியின் முதல் ஆண்டில் இத்தகைய முடிவு எடுக்கப்பட்டிருப்பது குறிப்பிடத்தக்கது.

இதையும் படிங்க: விடிந்ததுமே சர்ப்ரைஸ்... விராலிமலை மக்களே தயாரா?... நவ.2ம் தேதி சி.எம்.விஜய் எடுத்த அதிரடி முடிவு...!

 நந்தனத்தில் உள்ள சிலை ஜெயலலிதா ஆட்சியில் நிறுவப்பட்டது. பல தலைவர்கள் அங்கும் அஞ்சலி செலுத்தி வருகின்றனர்.விஜய் பசும்பொன் செல்லாத முடிவு அரசியல் வட்டாரங்களில் விவாதத்தை ஏற்படுத்தியுள்ளது. சிலர் இதை முக்குலத்தோர் சமூகத்தினரின் உணர்வுகளைப் புறக்கணிப்பதாகக் கருதுகின்றனர். தென் மாவட்டங்களில் தவெகவுக்கு ஆதரவு இருப்பதால் இந்த முடிவு அந்த வாக்கு வங்கியைப் பாதிக்கக்கூடும் என்ற கருத்தும் உள்ளது. எதிர்க்கட்சிகள் இதைப் பயன்படுத்தி விமர்சிக்க வாய்ப்புள்ளது. அதேநேரம், சிலர் பாதுகாப்பு கருதியே இந்த முடிவு எடுக்கப்பட்டதாகக் கூறியுள்ளனர்.

இதையும் படிங்க: ரூ.42.90 கோடியில் வாட்டர் ஸ்போர்ட்ஸ் அகாடமி..! புதிய அத்தியாயம்..! முதல்வர் விஜய் தொடங்கி வைப்பு..!!