தமிழ்நாடு முதலமைச்சர் விஜய் வரும் நவம்பர் 2ஆம் தேதி புதுக்கோட்டை மாவட்டத்திற்கு பயணம் மேற்கொள்ளவுள்ளார். இந்த பயணத்தின் முக்கிய நோக்கம் புதுக்கோட்டையில் புதிதாக கட்டப்பட்டுள்ள பேருந்து நிலையத்தையும், ரூபாய் எட்டு கோடி செலவில் உருவாக்கப்பட்டுள்ள உள்விளையாட்டு அரங்கத்தையும் திறந்து வைப்பதாகும். இந்த இரு திட்டங்களும் மாவட்ட மக்களின் நீண்டகால கோரிக்கைகளாக இருந்தன. புதிய பேருந்து நிலையம் பயணிகளுக்கு நவீன வசதிகளை வழங்கும் வகையில் அமைக்கப்பட்டுள்ளது.

உள்விளையாட்டு அரங்கம் இளைஞர்களின் விளையாட்டு ஆர்வத்தை ஊக்குவிக்கும் வகையில் வடிவமைக்கப்பட்டுள்ளது.முதலமைச்சர் விஜய் சென்னையிலிருந்து தனி விமானம் மூலம் திருச்சிராப்பள்ளிக்கு செல்வார். அங்கிருந்து ஹெலிகாப்டர் மூலம் புதுக்கோட்டை ஆயுதப்படை மைதானத்திற்கு வந்து சேர ஏற்பாடு செய்யப்பட்டுள்ளது. ஹெலிகாப்டர் தரையிறங்கும் இடத்திலிருந்து காரில் அரசு நிகழ்ச்சி நடைபெறும் இடத்திற்கு செல்வார். இந்த பயண ஏற்பாடுகள் குறித்து மாவட்ட நிர்வாகம் மற்றும் காவல்துறை அதிகாரிகள் தீவிர ஆய்வுகளை மேற்கொண்டுள்ளனர்.

ஆயுதப்படை மைதானத்தில் உள்ள ஹெலிபேடை மாவட்ட ஆட்சியர் மற்றும் மாவட்ட காவல் கண்காணிப்பாளர் நேரில் பார்வையிட்டு ஆய்வு செய்துள்ளனர்.முதலமைச்சரின் வருகையை முன்னிட்டு புதுக்கோட்டை மாவட்டம் முழுவதும் பாதுகாப்பு ஏற்பாடுகள் தீவிரப்படுத்தப்பட்டுள்ளன. காவல்துறை பல்வேறு இடங்களில் கூடுதல் படைகளை நிறுத்தி, பாதுகாப்பு திட்டங்களை வகுத்துள்ளது. நிகழ்ச்சி நடைபெறும் இடம் மற்றும் வழித்தடங்களில் கண்காணிப்பு பணிகள் தொடங்கியுள்ளன.

இதையும் படிங்க: “இனி இவர்களும் இலவசம்...” - முதலமைச்சர் விஜய் எடுத்த அதிரடி முடிவு... வெளியானது அதிகாரப்பூர்வ அரசாணை...!

பொதுமக்கள் கூட்டம் அதிகமாக இருக்கும் என்பதால், போக்குவரத்து கட்டுப்பாடுகள் மற்றும் கூட்ட மேலாண்மைக்கான ஏற்பாடுகளும் செய்யப்பட்டு வருகின்றன.இந்த அரசு விழாவில் முதலமைச்சர் விஜய் புதிய கட்டமைப்பு திட்டங்களை திறந்து வைப்பதோடு, பல்வேறு நலத்திட்ட உதவிகளையும் மக்களுக்கு வழங்கவுள்ளார். மேலும் சில புதிய திட்டங்களுக்கு அடிக்கல் நாட்டும் நிகழ்ச்சியும் நடைபெற வாய்ப்புள்ளது. பொதுமக்களுடன் நேரடி தொடர்பு கொள்ளும் வகையில் ரோடு ஷோ நடத்தப்படும் என்றும் தகவல்கள் வெளியாகியுள்ளன. 

இதையும் படிங்க: அரிசி விலையைக் கட்டுப்படுத்த அதிரடி... ஆந்திராவில் இருந்து வரப்போகும் நெல் மூட்டைகள்... அமைச்சர் செங்கோட்டையன் அதி முக்கிய தகவல்...!