மத்திய அரசு என்றும் சொல்லலாம், ஒன்றிய அரசு என்றும் சொல்லலாம்,  இரண்டும் ஒரே அர்த்தத்தைக் குறிப்பவைதான் என்று வருவாய்த் துறை அமைச்சர் செங்கோட்டையன் தெரிவித்துள்ளார்.

கோவை விமான நிலையத்தில் செய்தியாளர்களைச் சந்தித்த அமைச்சர் செங்கோட்டை கூறும் போது :  தவெக தலைவர் விஜய் 'ஒன்றிய அரசு' எனப் பேசியது குறித்து எழுப்பிய கேள்விக்கு  "மாநில அரசும் மத்திய அரசும் ஒருங்கிணைந்து செயல்பட வேண்டும் என்பதுதான் அவரது நோக்கமாக இருக்க முடியும். ஆங்கிலத்தில் 'Money' என்றாலும், தமிழில் 'ரூபாய்' என்றாலும் ஒன்றுதான். எனவே, இதைக் கொண்டு மத்திய அரசுக்கும் மாநில அரசுக்கும் இடையே முரண்பாடுகளை உருவாக்கக் கூடாது.

பெரியார் அறிவுலகம் திறப்பு குறித்த அதிகாரப்பூர்வ அறிவிப்பு, முதலமைச்சரின் அலுவலகத்திலிருந்து நாளையோ அல்லது நாளை மறுதினமோ தெளிவாக வெளியிடப்படும்.

இதையும் படிங்க: அவர்களின் தகுதி அவ்வளவுதான்! உதயநிதி, எடப்பாடி பழனிசாமி குறித்து செங்கோட்டையன் கடும் விமர்சனம்!!

மேலும், சென்னையில் ஏற்பட்ட மின்வெட்டு குறித்துப் பேசிய அவர், டிரான்ஸ்பார்மர் பழுதானதே அதற்குக் காரணம் என்றும், அது உடனடியாக அரை மணி நேரத்தில் சரி செய்யப்பட்டுவிட்டதாகவும் குறிப்பிட்டார். முன்னாள் அமைச்சர் ஆற்காடு வீராசாமியின் காலத்து மின்வெட்டுச் சூழலுக்கும் தற்போதைய நிலைக்கும் எந்தவிதத் தொடர்பும் இல்லை என்றார்.

மேலும் இலவசத் திட்டங்கள் குறித்த கேள்விக்கு பதிலளித்த அவர், "மக்கள் எதை விரும்புகிறார்களோ, அதை இந்த அரசு நிறைவேற்றி வருகிறது. அனைத்து ஆட்சிக் காலங்களிலும் இலவசத் திட்டங்கள் அறிவிக்கப்படுவது வழக்கம்தான்.

இதனால் எந்தவொரு துறையிலும் காலதாமதம் ஏற்படுவதில்லை". மகளிர் வெற்றிப் பயணத்தால் வாழ்வாதாரம் பாதிக்கப்பட்டுள்ளதாகக் கூறப்படும் ஆட்டோ மற்றும் டாக்ஸி ஓட்டுநர்களின் பிரச்சனைகளுக்கு அடுத்த இரண்டு நாட்களில் தெளிவான தீர்வு கிடைக்கும் என அவர் உறுதியளித்தார்.

தலைமை தேர்தல் ஆணையர் ஞானேஷ்குமாருக்கு எதிரான போராட்டத்தில் தவெக பங்கேற்காதது குறித்த கேள்விக்கு, ஒவ்வொரு நிகழ்விலும் கட்சிகள் கலந்துகொள்வதும் தவிர்பதும் அவரவர் நிலைப்பாட்டைப் பொறுத்தது. மேலும், காங்கிரஸ் தலைவர் வருகையின்போது முதலமைச்சரும் அவரும் தேநீர் அருந்தியதையும், அடுத்த நாளே பிரதமரின் நிகழ்ச்சியில் முதல்வர் கலந்துகொண்டதையும் சுட்டிக்காட்டிய அவர், மத்திய - மாநில அரசுகளுக்கு இடையேயான திட்ட உறவுகள் மிகவும் தெளிவாகவே இருப்பதாகத் தெரிவித்தார்.

இதையும் படிங்க: அடுத்த இடைத்தேர்தலில் திமுக, அதிமுக இருக்காது! தாராபுரத்தில் விஜய் வெற்றி செங்கோட்டையன் கணிப்பு!