தமிழ்நாட்டின் முதலமைச்சரும், திராவிட முன்னேற்றக் கழகத்தின் தலைவருமான மு.க.ஸ்டாலின், 2025-ஆம் ஆண்டில் கட்சியின் நிர்வாகிகளுடன் தொடர்ந்து ஆலோசனைகள் நடத்தி வருகிறார். இந்த ஆலோசனைகள், 2026-ஆம் ஆண்டு நடைபெறவிருக்கும் தமிழ்நாடு சட்டமன்றத் தேர்தலுக்கு தயாராவதற்கும், கட்சியின் அமைப்பை வலுப்படுத்துவதற்கும், மக்களிடையே திமுகவின் செல்வாக்கை மேலும் விரிவாக்குவதற்கும் முக்கியமானவையாக அமைந்துள்ளன.

கட்சியின் அடிமட்ட அமைப்பை வலுப்படுத்துவதற்கும், மக்களின் பிரச்னைகளை உடனுக்குடன் தீர்ப்பதற்கும், கட்சி உறுப்பினர் சேர்க்கையை தீவிரப்படுத்துவதற்கும் முதலமைச்சர் ஸ்டாலின் பல்வேறு முயற்சிகளை மேற்கொண்டு வருகிறார். மீண்டும் ஆட்சியைப் பிடிப்பதற்கு முனைப்பு காட்டி வருகிறது திமுக. பொதுச் செயலாளர் கனிமொழி தலைமையில் இந்த குழு அமைக்கப்படுவதாக அறிவிக்கப்பட்டது.

சட்டப்பேரவைத் தேர்தலுக்கான தேர்தல் அறிக்கையினைத் தயாரிக்க, தமிழ்நாடு முழுவதும் சுற்றுப்பயணம் செய்து, பொதுநலச் சங்கங்கள், வணிக அமைப்புகள், இளைஞர்கள், விவசாய அமைப்புகள், தொழிலாளர் அமைப்புகள், தோழமை இயக்கத்தினர் மற்றும் பொதுமக்களின் நலன் விழையும் அமைப்புகளுடன் கலந்தாலோசித்திட திமுக தலைமைக் கழகத்தால் குழு அமைக்கப்பட்டுள்ளதாக அறிவிக்கப்பட்டது. 

இதையும் படிங்க: தேர்தல் பணிகளில் முந்தும் திமுக... மும்முரமாக பணிகளை தொடங்கிய அறிக்கை தயாரிப்பு குழு...!

இந்த நிலையில் தேர்தல் அறிக்கை தயாரிப்பு குழு தனது முதல் ஆலோசனை கூட்டத்தை இன்று நடத்தியது. இதையடுத்து, சென்னை அண்ணா அறிவாலயத்தில் திமுக தேர்தல் அறிக்கை தயாரிப்பு குழுவுடன் முதலமைச்சர் ஸ்டாலின் சந்திப்பு நிகழ்த்தினார். திமுக எம்பி கனிமொழி தலைமையில் அமைக்கப்பட்ட தேர்தல் அறிக்கை குழுவினர் முதலமைச்சரை சந்தித்து வாழ்த்து பெற்றனர். திமுக தேர்தல் அறிக்கை குழுவின் சுற்றுப்பயணம் தொடர்பான பட்டியல் முதலமைச்சரிடம் அப்போது வழங்கப்பட்டது. 

இதையும் படிங்க: வேட்டி சட்டையில் அசத்தும் முதல்வர்... பொருநை அருங்காட்சியகம் குறித்து சிறப்பு வீடியோ வெளியீடு..!