கோவை காந்திபுரத்தில் அமைக்கப்பட்டுள்ள பெரியார் அறிவுலகம் என்றழைக்கப்படும் பெரியார் நூலகம் மற்றும் அறிவியல் மையம் இன்று முதல்வர் விஜய் அவர்களால் திறந்து வைக்கப்பட்டது. சிறைத்துறைக்குச் சொந்தமான சுமார் ஏழு ஏக்கர் பரப்பளவில், நஞ்சப்பா சாலையில் மத்திய பேருந்து நிலையத்திற்கு எதிரே கட்டப்பட்ட இந்தப் பிரம்மாண்ட வளாகம், ஒரு லட்சத்து தொண்ணூற்றெட்டாயிரம் சதுர அடி பரப்பளவில் தரைத்தளத்துடன் ஏழு தளங்களைக் கொண்டுள்ளது.

முந்நூறு கோடி ரூபாய் மதிப்பீட்டில் உருவாக்கப்பட்ட இந்தத் திட்டத்தில் இருநூற்று நாற்பத்தைந்து கோடி கட்டுமானப் பணிக்கும், ஐம்பது கோடி புத்தகங்கள் வாங்குவதற்கும், ஐந்து கோடி இ-புத்தகங்களுக்கும் ஒதுக்கப்பட்டிருந்தது. கடந்த இருபத்து நான்காம் ஆண்டில் தொடங்கிய பணிகள் முழுமையாக நிறைவு பெற்ற நிலையில் இன்று பொதுமக்கள் பயன்பாட்டிற்குத் திறக்கப்பட்டது.முதல்வர் விஜய் சென்னையிலிருந்து தனி விமானத்தில் கோவை விமான நிலையம் வந்து, அங்கிருந்து வாகனத்தில் வளாகத்திற்குச் சென்றார். அங்கு முதலில் பெரியார் திருவுருவச் சிலையைத் திறந்து வைத்தார்.

பின்னர் நூலக வளாகத்தின் கல்வெட்டைத் திறந்து வைத்து, அதன் பல்வேறு தளங்களையும் பார்வையிட்டார். தகவல் தொழில்நுட்ப வசதிகளுடன் கூடிய இந்த நவீன அறிவு மையத்தில் ஒவ்வொரு தளமும் தனித்தனியான நோக்கங்களுக்காக வடிவமைக்கப்பட்டுள்ளது.தரைத்தளத்தில் மாற்றுத்திறனாளிகளுக்கான சிறப்பு நூலகம், முந்நூற்று ஐம்பது பேர் அமரக்கூடிய ஆடிட்டோரியம், அறிவியல் உபகரணங்களுடன் கூடிய அறிவியல் மையம், விண்வெளியை அனுபவிக்கும் வகையில் கோளரங்கம் மற்றும் ஸ்பேஸ் லிப்ட் ஆகியவை அமைக்கப்பட்டுள்ளன. முதல் தளத்தில் வரவேற்பறை மற்றும் அறிவியல் மையம் இடம்பெற்றுள்ளன. இரண்டாவது தளத்தில் சொந்தமாகப் புத்தகம் கொண்டு வருபவர்கள் அமர்ந்து படிக்கும் இடமும், சிறுவர்களுக்கான நூலகமும் உள்ளன. மூன்றாவது தளத்தில் போட்டித் தேர்வுகளுக்கான பயிற்சி மையம், நிர்வாகப் பிரிவு மற்றும் நூலகம் அமைந்துள்ளன.

இதையும் படிங்க: முதல்வன் சொன்னாலே ஸ்டாலின் தான் ஞாபகம் வருதோ.? CHEAP CM..! விளாசிய உதயநிதி.!!

நான்காவது தளத்தில் வரலாற்று நூல்கள், தமிழ் நூல்கள் மற்றும் பருவ இதழ்கள் பிரிவுகள் உள்ளன. ஐந்தாவது தளத்தில் ஆங்கில நூல்கள் பிரிவு மற்றும் ஸ்டார்ட்-அப் நிறுவனங்களுக்கான இன்குபேஷன் மையம் இடம்பெற்றுள்ளன. ஆறாவது தளத்தில் ஆங்கிலம் கற்கும் பிரிவு மற்றும் இன்குபேஷன் மையம் உள்ளன. ஏழாவது தளத்தில் அறிவியல் மையம் மற்றும் டிஜிட்டல் நூலகம் அமைக்கப்பட்டுள்ளன.

இந்த வளாகத்தில் ஒரு லட்சத்திற்கும் மேற்பட்ட புத்தகங்கள் இடம்பெற்றுள்ளன. டிஜிட்டல் நூலகம், மின் நூல்கள், கணினி வசதிகள் உள்ளிட்ட நவீன தகவல் தொழில்நுட்ப உள்கட்டமைப்புகள் மாணவர்கள், ஆராய்ச்சியாளர்கள் மற்றும் பொதுமக்களுக்குப் பெரும் பயனளிக்கும் வகையில் ஏற்படுத்தப்பட்டுள்ளன. குழந்தைகள், மாற்றுத்திறனாளிகள் மற்றும் போட்டித் தேர்வுக்குத் தயாராகும் இளைஞர்களுக்கான தனித்தனியான வசதிகள் இந்த மையத்தை ஒரு முழுமையான அறிவுத் தளமாக மாற்றியுள்ளன.

இதையும் படிங்க: ரூ.300 கோடியில் பிரம்மாண்டம்..! "பெரியார் அறிவுலகம்".! திறந்து வைக்கும் முதல்வர் விஜய்..!