மூன்று ஆண்டுகளாக விஜயை சந்திக்க இயலவில்லை. புதிதாக கட்சிக்கு வந்தவர்கள் பழைய நிர்வாகிகளை புறக்கணிப்பதாகவும் முன்னாள் ரசிகர் மன்ற நிர்வாகி விஜயிடம் வேதனை.

கோவை காந்திபுரத்தில் பெரியார் அறிவுலகம் திறப்பு விழாவில் பங்கேற்பதற்காக சென்னையில் இருந்து தனி விமானம் கோவை விமான நிலையத்திற்கு வந்த விஜய்யை, அமைச்சர்கள் ஆனந்த், சம்பத்குமார், விக்னேஷ் ஆகியோர் வரவேற்றனர். அதன் பின் விமான நிலையத்திலிருந்து வெளியே வந்த அவரை அங்கிருந்த தொண்டர்கள் வரவேற்றனர்.

விமான நிலையத்திலிருந்து வெளியே வரும் வழியில் கூட்டத்திற்குள் நின்று கொண்டிருந்த மேட்டுப்பாளையத்தை சேர்ந்த ரங்கராஜ் என்ற விஜய் ரசிகர் மன்றத்தின் முன்னாள் நிர்வாகியை பார்த்ததும் வாகனத்தை நிறுத்துமாறு கூறிய விஜய் , பின்னர் ரங்கராஜை தன்னிடம் அழைத்து பேசினார்.

இதையும் படிங்க: ஏன் இப்படி டிசைன், டிசைனா கேட்குறீங்க?... சி.எம். பற்றிய கேள்வியால் டென்ஷன் ஆன அமைச்சர் ஆனந்த்...!

திடீரென முதலமைச்சர் வாகனத்தை நிறுத்தி தன்னை அழைத்து பேசியதை கண்டதும் ரங்கராஜ் மகிழ்ச்சியின் உச்சத்திற்கு சென்றார். பின்னர் அவரிடம் கடந்த மூன்று ஆண்டுகளாக விஜயை சந்திக்க முயற்சித்தும் முடியவில்லை என்றும், பாதுகாவலர்கள் மூலம் தடுக்கப்படுவதாகவும் அவரிடம் தெரிவித்தார்.

 மேலும் கட்சிக்கு புதிதாக வந்தவர்கள் பழைய நிர்வாகிகளை புறக்கணிப்பதாகவும் விஜய்யிடம் தெரிவித்ததாக மேட்டுப்பாளையம் ரங்கராஜ் தெரிவித்தார் விஜயை சந்தித்த பின் செய்தியாளர்களிடம்  இதனை தெரிவித்த மேட்டுப்பாளையம் ரங்கராஜ் கட்சிக்கு புதிதாக வந்து பொறுப்புகளை பெற்ற எம்எல்ஏக்கள் பழைய நிர்வாகிகளை மதிப்பதில்லை, கண்டு கொள்வதில்லை என கூறினார். இதனை முதலமைச்சர் விஜயின் கவனத்திற்கு கொண்டு சென்றிருப்பதாகவும் நான் பார்த்துக்கொள்கிறேன் என்று அவர் பதில் அளித்ததாகவும் ரங்கராஜ் கூறினார்.

இதையும் படிங்க: கோவையின் பெருமை..! "ரூ.300 கோடியில் பிரம்மாண்டம்..!! பெரியார் அறிவுலகத்தை திறந்து வைத்த முதல்வர் விஜய்..!!