ராகுல் காந்தியும், மு.க. ஸ்டாலினும் கட்சித் தலைமையை ஏற்ற காலகட்டத்தில் இருவருக்கும் இடையே நல்லிணக்கம் வளர்ந்தது. 2024 நாடாளுமன்றத் தேர்தலின்போது ஸ்டாலின் ராகுலை பிரதமர் வேட்பாளராக பகிரங்கமாக ஆதரித்தார். தமிழ்நாட்டில் காங்கிரஸுக்கு அதிக இடங்கள் ஒதுக்கி, பிரசாரத்திலும் தீவிரமாக ஈடுபட்டார். ராகுல் காந்தி பல மேடைகளில் ஸ்டாலினை “என் அண்ணன்” என்று அழைத்தார்.

“நான் வேறு எந்த அரசியல்வாதியையும் சகோதரன் என்று அழைப்பதில்லை. ஸ்டாலின் என் அண்ணன்” என்று ராகுல் கூறிய வார்த்தைகள் அரசியல் வட்டாரத்தில் பெரும் கவனத்தைப் பெற்றன. ஸ்டாலினும் ராகுலை தன் “தம்பி” என்று அன்புடன் குறிப்பிட்டார். இந்த உறவு வெறும் அரசியல் சந்திப்புகளுக்கு அப்பாற்பட்டு, தனிப்பட்ட அளவில் அன்பையும் மரியாதையையும் பிரதிபலித்தது.

இருப்பினும் 2026 தேர்தல் முடிவுகளுக்கு பிறகு அரசியலில் தலைக்கீழ் திருப்பம் ஏற்பட்டது. திமுக கூட்டணியில் இருந்து காங்கிரஸ் விலகி தமிழக வெற்றி கழகத்தின் கூட்டணியில் இணைந்தது. இதனால் திமுக தரப்பில் கடும் அதிருப்தி தெரிவிக்கப்பட்டது. இன்று ராகுல் காந்தி பிறந்த நாள் கொண்டாடும் நிலையில் அவருக்கு திமுக தலைவர் ஸ்டாலின் வாழ்த்துக்களை தெரிவித்துள்ளார். தனக்கு பிறந்தநாள் வாழ்த்து தெரிவித்த திமுக தலைவர் ஸ்டாலினுக்கு மக்களவை எதிர்க்கட்சி தலைவர் ராகுல் காந்தி நன்றி தெரிவித்தார்.

இதையும் படிங்க: அரசியல் மாறலாம்... அன்பு மாறுமா..? உறவை மறக்காத ஸ்டாலின்..! ராகுல்காந்திக்கு பிறந்தநாள் வாழ்த்து..!!

உங்கள் அன்பான வாழ்த்துக்களுக்கு நன்றி என்று கூறியுள்ளார். இந்தியா எனும் கோட்பாடு நமது அரசியலமைப்பு மற்றும் கூட்டாட்சி தத்துவம் ஆகியவற்றை காப்பதில் நாம் கொண்டுள்ள கூட்டு உறுதிப்பாடு தொடர்ந்து நமக்கு வழிகாட்டும் என்று கூறினார். இது நமது ஜனநாயகத்தின் ஆன்மாவை காப்பதற்கான போராட்டம் என்று தெரிவித்துள்ள ராகுல் காந்தி, வெற்றி பெறும் வரை நாம் இதனை ஒன்றிணைந்து முன்னெடுப்போம் என்றும் கூறியுள்ளார்.

இதையும் படிங்க: "‘அன்புச் சகோதரர்’..! ராகுல்காந்திக்கு CM விஜய் பிறந்தநாள் வாழ்த்து... அரசியலை தாண்டிய பாசப் பிணைப்பு..!!