ஆண்டுதோறும் 10 மற்றும் 12 ஆம் வகுப்பு பொது தேர்வில் அதிக மதிப்பெண்கள் பெற்ற மாணவ மாணவிகளை அழைத்து தமிழக வெற்றி கழகத்தின் தலைவர் விஜய் விருதுகள் வழங்கிய கவுரவிப்பது வழக்கம். இந்த நிலையில் 2025 ஆம் ஆண்டு பொதுத்தேர்வுகளில் அதிக மதிப்பெண்கள் பெற்ற மாணவர்களுக்கு விஜய் பரிசளித்து வருகிறார்.

முன்னதாக இரண்டு கட்ட பரிசளிப்பு விழா முடிவடைந்த நிலையில், மாமல்லபுரத்தில் உள்ள தனியார் நட்சத்திர ஓட்டலில் தமிழக வெற்றி கழகத்தின் சார்பில் 10 மற்றும் 12 ஆம் வகுப்பு பொது தேர்வில் அதிக மதிப்பெண் பெற்ற மாணவ மாணவிகளுக்கு மூன்றாவது கட்டமாக பரிசளிக்கும் விழா நடைபெற்றது. இந்த நிகழ்ச்சியில் தமிழக வெற்றிக்கழகத்தின் தலைவர் விஜய் கலந்துகொண்டு மாணவர்களுக்கு பரிசுகளை வழங்கி கௌரவித்தார். 

இதையும் படிங்க: எங்கேயோ இடிக்குதுங்க! அருண் ராஜ் ஒரு ஸ்பை.. பகீர் கிளப்பும் தகவல்கள்!!

இந்த விழாவில், வால்பாறை தொகுதியைச் சேர்ந்த மாணவன் கார்த்திக்கு தங்க மோதிரத்தை விஜய் பரிசளித்தார். 10 மற்றும் 12 ஆம் வகுப்பில் அதிக மதிப்பெண் பெற்ற மாணவர்களுக்கு தமிழக வெற்றி கழக தலைவர் விஜய் பரிசுகள் வழங்கி கௌரவித்தார்.

முன்னதாக குஜராத் மாநிலம் அகமதாபாத்தில் விமானம் விழுந்து விபத்துக்குள்ளானதில் உயிரிழந்தோருக்கு மௌன அஞ்சலி செலுத்தப்பட்டது. விபத்தில் உயிரிழந்தோருக்கு தமிழக வெற்றி கழகத்தின் தலைவர் விஜய் மற்றும் மாணவர்கள் உள்ளிட்டோர் மௌன அஞ்சலி செலுத்தினர். 

இந்த விழாவில் பேசிய விஜய், தயவு செய்து என்னை இளைய காமராஜர் என்றெல்லாம் பேசாதீர்கள் என மாணவர்களுக்கு வலியுறுத்தினார். பள்ளி மற்றும் ஆசிரியர்கள் பற்றி பேசுங்கள் 2026 தேர்தல் உள்ளிட்ட மற்ற விஷயங்கள் பற்றி பேசாதீர்கள் என்றும் அறிவுறுத்தினார். பெற்றோர்களும் மாணவர்களும் மேடையில் பேசுவதை குறைத்துக் கொள்ள வேண்டும் என்றும் விஜய் வலியுறுத்தி உள்ளார்.

இதையும் படிங்க: தெளிவா சொல்றேன் கேட்டுக்கோங்க.. தொண்டர்களுக்கு விஜய் போட்ட கண்டிஷன்ஸ்!