2026 சட்டமன்ற தேர்தலில் போட்டியிட விருப்ப மனுக்கள் பெறப்பட்டு வருகின்றன. அனைத்து கட்சி வேட்பாளர்களும் வேட்பு மனு தாக்கல் செய்து வருகின்றனர். இந்த நிலையில் துணை முதல்வர் உதயநிதி ஸ்டாலின் வேட்பு மனு தாக்கல் செய்துள்ளார். 

உதயநிதி ஸ்டாலின் தமிழக அரசியலில் ஒரு இளம் தலைவராக உயர்ந்து வருபவர். அவரது அரசியல் பயணம் சினிமா உலகில் இருந்து அரசியல் களத்துக்கு மாறிய ஒரு சுவாரஸ்யமான பாதையைப் பின்பற்றுகிறது. 2023-ல் அரசியலில் முழு நேரம் கவனம் செலுத்துவதற்காக நடிப்பை விட்டுவிட்டார்.bஉதயநிதியின் அரசியல் அறிமுகம் 2019-ல் நடைபெற்றது. அப்போது அவரது தந்தை மு.க. ஸ்டாலின் திமுகவின் தலைவராக இருந்த நிலையில், இளைஞர் அணியின் செயலாளராக நியமிக்கப்பட்டார்.

2016 முதலே அரசியலில் ஆர்வம் காட்டிய அவர், 2021 சட்டமன்றத் தேர்தலில் தனது முதல் போட்டியை எதிர்கொண்டார். சென்னையின் சேப்பாக்கம்-திருவல்லிக்கேணி தொகுதியில் திமுக சார்பில் போட்டியிட்ட அவர், பெரும் வெற்றி பெற்று சட்டமன்ற உறுப்பினரானார். அந்தத் தேர்தலில் அவர் சுமார் 69,000 வாக்குகள் வித்தியாசத்தில் வெற்றி பெற்றார். 2022 டிசம்பரில் இளைஞர் நலன் மற்றும் விளையாட்டு மேம்பாட்டுத் துறை அமைச்சராகப் பொறுப்பேற்றார்.

இதையும் படிங்க: அதிமுக ஆட்சிக்கு பொள்ளாச்சியே சாட்சி… பெண்கள் பாதுகாப்பு பற்றி பேச எடப்பாடிக்கு அருகதை இருக்கா? விளாசிய முதல்வர் ஸ்டாலின்..!!

2024 செப்டம்பரில் அவருக்கு துணை முதலமைச்சர் பதவி வழங்கப்பட்டது. தற்போது 2026 தமிழக சட்டமன்றத் தேர்தல் நெருங்கியுள்ள நிலையில், உதயநிதி ஸ்டாலின் மீண்டும் சேப்பாக்கம்-திருவல்லிக்கேணி தொகுதியில் போட்டியிடுகிறார். இந்த நிலையில், இன்று சென்னை சேப்பாக்கத்தில் உள்ள தொகுதி அலுவலகத்தில் துணை முதலமைச்சர் உதயநிதி ஸ்டாலின் தனது வேட்புமனுவைத் தாக்கல் செய்துள்ளார். தன்னுடைய வேட்பு மனுவை தேர்தல் நடத்தும் அலுவலர் சுகந்தியிடம் உதயநிதி ஸ்டாலின் வழங்கினார். சேப்பாக்கம் - திருவல்லிக்கேணி தொகுதியில் உதயநிதி ஸ்டாலின் இரண்டாவது முறை களம் காண்பது குறிப்பிடத்தக்கது. 

இதையும் படிங்க: மீண்டும் திராவிட மாடல் ஆட்சிக்கு தயாரா? வெற்றி உறுதியா..? ஈரோட்டில் முதல்வர் ஸ்டாலின் பரப்புரை..!!