சென்னை: ஜப்பானில் நடைபெற்று வரும் பாரா ஆசிய விளையாட்டுப் போட்டிகளில் பேட்மிண்டன் கலப்பு இரட்டையர் பிரிவில் வெண்கலப் பதக்கம் வென்ற தமிழ்நாட்டைச் சேர்ந்த வீராங்கனை நித்ய ஸ்ரீக்கு, தமிழ்நாடு அரசு சார்பில் ரூ.30 லட்சம் ஊக்கத்தொகை வழங்கப்படும் என்று முதலமைச்சர் விஜய் அறிவித்துள்ளார்.
ஜப்பானில் 5-வது பாரா ஆசிய விளையாட்டுப் போட்டிகள் நடைபெற்று வருகின்றன. இதில் பல்வேறு நாடுகளைச் சேர்ந்த மாற்றுத்திறனாளி விளையாட்டு வீரர்கள் பங்கேற்று தங்களது திறமையை வெளிப்படுத்தி வருகின்றனர். இந்தப் போட்டியில் பேட்மிண்டன் கலப்பு இரட்டையர் SH6 பிரிவில் இந்திய அணி வெண்கலப் பதக்கம் வென்றது. இந்த அணியில் தமிழ்நாட்டைச் சேர்ந்த வீராங்கனை நித்ய ஸ்ரீயும் இடம்பெற்றிருந்தார்.
இந்திய அணியின் வெற்றிக்கும், அதில் இடம்பெற்று நாட்டுக்கும் தமிழ்நாட்டுக்கும் பெருமை சேர்த்த நித்ய ஸ்ரீக்கும் முதலமைச்சர் விஜய் வாழ்த்து தெரிவித்துள்ளார். மேலும், வீராங்கனையின் சாதனையைப் பாராட்டும் வகையில் ரூ.30 லட்சம் ஊக்கத்தொகை வழங்கப்படும் என்றும் அறிவித்துள்ளார்.
இதையும் படிங்க: பாரா ஆசிய விளையாட்டில் வெண்கலம்! மனிஷா ராமதாஸுக்கு ரூ.30 லட்சம் பரிசு! முதல்வர் விஜய் அறிவிப்பு!
இதுதொடர்பாக அவர் தனது எக்ஸ் சமூக வலைதளப் பதிவில், ஜப்பானில் நடைபெறும் 5-வது பாரா ஆசிய விளையாட்டுப் போட்டிகளில் பேட்மிண்டன் கலப்பு இரட்டையர் SH6 பிரிவில் வெண்கலப் பதக்கம் வென்ற இந்திய அணிக்கும், அந்த அணியில் இடம்பெற்றுள்ள தமிழ்நாட்டைச் சேர்ந்த நித்ய ஸ்ரீக்கும் மனமார்ந்த வாழ்த்துகளையும் பாராட்டுகளையும் தெரிவித்தார்.
நித்ய ஸ்ரீயின் சாதனையை அங்கீகரிக்கும் வகையில் தமிழ்நாடு அரசின் சார்பில் ரூ.30 லட்சம் உயரிய ஊக்கத்தொகை வழங்கப்படும் என்று அவர் குறிப்பிட்டார்.
தன்னம்பிக்கை, விடாமுயற்சி, கடின உழைப்பு ஆகியவற்றின் மூலம் நித்ய ஸ்ரீ சாதனை படைத்துள்ளதாகவும் முதலமைச்சர் தெரிவித்துள்ளார். அவரது வெற்றி, பல்வேறு தடைகளைத் தாண்டி விளையாட்டுத் துறையில் சாதிக்க விரும்பும் இளம் தலைமுறையினருக்கு ஊக்கமளிக்கும் என்றும் அவர் கூறியுள்ளார்.
மேலும், நித்ய ஸ்ரீ எதிர்காலத்திலும் பல்வேறு வெற்றிகளைப் பெற்று, புதிய உயரங்களை எட்ட வேண்டும் என்றும் முதலமைச்சர் தனது பதிவில் வாழ்த்தியுள்ளார்.
தமிழ்நாட்டைச் சேர்ந்த வீராங்கனைக்கு ரூ.30 லட்சம் ஊக்கத்தொகை அறிவிக்கப்பட்டுள்ள நிலையில், அவரது சாதனைக்கு விளையாட்டு ஆர்வலர்கள் மற்றும் பொதுமக்கள் வாழ்த்து தெரிவித்து வருகின்றனர்.
இதையும் படிங்க: பாரா ஆசிய விளையாட்டு போட்டியில் இந்தியாவுக்கு 15வது தங்கம்! பதக்க வேட்டையில் அசத்தும் வீரர்கள்!!