தமிழ்நாட்டு அரசியலில் திமுகவின் வெற்றிக்கு கூட்டணி கட்சிகளின் பங்களிப்பு மிக முக்கியமானது என்பது பலரும் ஏற்றுக்கொள்ளும் உண்மை. கடந்த 2021 சட்டமன்றத் தேர்தலில் திமுக தலைமையிலான இந்தியா கூட்டணி பெரும்பான்மை இடங்களை வென்று ஆட்சியைப் பிடித்தது. அப்போது காங்கிரஸ், விடுதலை சிறுத்தைகள் கட்சி, மதிமுக, சிபிஐ, சிபிஎம் உள்ளிட்ட கட்சிகள் திமுகவுடன் இணைந்து போட்டியிட்டன.

இந்தக் கூட்டணி இல்லாவிட்டால் திமுக தனியாக அவ்வளவு எளிதில் பெரும்பான்மை பெற்றிருக்காது என்று பல அரசியல் பார்வையாளர்கள் கூறுகின்றனர். குறிப்பாக சிறுபான்மை மற்றும் தலித் வாக்குகளை ஒருங்கிணைப்பதில் விசிக, காங்கிரஸ் போன்ற கட்சிகளின் பங்கு கணிசமாக இருந்தது. அதேபோல் சில பகுதிகளில் இடதுசாரி கட்சிகளின் ஆதரவு திமுகவுக்கு கூடுதல் வலிமை சேர்த்தது.

இதனால் திமுகவின் அடிப்படை வாக்கு வங்கியுடன் கூட்டணி கட்சிகளின் வாக்குகள் சேர்ந்தபோது தான் 133 இடங்களுக்கு மேல் வென்று ஆட்சி அமைக்க முடிந்தது. ஆனால் இந்தக் கூட்டணி உறவில் ஒரு தொடர் குற்றச்சாட்டு எழுந்து வருகிறது. திமுக கூட்டணி கட்சிகளை உண்மையில் மதிப்பதில்லை, அவர்களை வெறும் 'வாக்கு வங்கி'யாக மட்டுமே பயன்படுத்துகிறது என்ற குற்றச்சாட்டு முன்வைக்கப்படுகிறது. இந்தக் குற்றச்சாட்டு குறிப்பாக 2026 சட்டமன்றத் தேர்தல் நெருங்கி வரும் இந்தக் காலகட்டத்தில் மிகவும் வலுத்து வருகிறது.

இதையும் படிங்க: கரூர் மாதிரி ஆக்கிறாதீங்க... சேலத்திலும் வேலையைக் காட்டும் தவெக... மா.செ.வுக்கு கமிஷ்னர் கொடுத்த வார்னிங்...!

காரணம், தொகுதி பங்கீடு பேச்சுவார்த்தைகள் தொடங்கும் முன்பேயே காங்கிரஸ் உள்ளிட்ட கட்சிகள் அதிக இடங்கள், ஆட்சியில் பங்கு கோரி அழுத்தம் கொடுக்கின்றன. ஆனால் திமுக இதுவரை உரிய குழு அமைத்து பேச்சு நடத்தத் தயாராக இல்லை என்று கூறப்படுகிறது. 

இந்த நிலையில், கூட்டணி கட்சிகளை திமுக எப்படி நடத்துகிறது என்பது குறித்து தமிழக வெற்றி கழகத்தின் கொள்கை பரப்பு குழுச்செயலாளர் அருண் ராஜ் செய்தியாளர்களை சந்தித்து தெரிவித்தார். கூட்டணி கட்சிகளை வாக்கு வங்கிகளாகவே திமுக பயன்படுத்தி வருவதாக குற்றம் சாட்டினார். சட்டப்பேரவை தேர்தலில் திமுக தனித்து போட்டியிடுமா என்ற கேள்வி எழுப்பினார். முதலமைச்சர் நாற்காலியில் ஒருகால் மட்டுமே திமுக உடையது என்றும் கூறியுள்ளார். 

இதையும் படிங்க: "ரூ.2 கோடி இருந்தா பேசு” - விஜய் கட்சியில் நடக்கும் மெகா வசூல் வேட்டை... தளபதியை மிஞ்சும் சின்ன தளபதிகள்...!