உலகின் மிகவும் பிரபலமான உடனடி செய்தி அனுப்பும் செயலியான வாட்ஸ்அப், பயனர்களின் சாட் உரையாடல்களை நேரடியாக மொழிபெயர்த்து படிக்கும் வசதியை இன்று அறிமுகப்படுத்தியுள்ளது. இந்த அம்சம், 3 பில்லியனுக்கும் மேற்பட்ட பயனர்களின் மொழி தடைகளை உடைத்து, உலகளாவிய தொடர்புக்கு புதிய வாசல் திறக்கும் என எதிர்பார்க்கப்படுகிறது.

மெட்டா நிறுவனத்தின் இந்த புதிதாய் அப்டேட், பயனர்களின் தனியுரிமையை காக்கும் வகையில் உருவாக்கப்பட்டுள்ளது. வாட்ஸ்அப் வெளியிட்ட அறிக்கையின்படி, இந்த மொழிபெயர்ப்பு அம்சம் (Message Translation) தனிப்பட்ட சாட்கள், குரூப் உரையாடல்கள் மற்றும் சேனல் புதுப்பிப்புகளுக்கும் பொருந்தும். பயனர்கள் ஒரு செய்தியை நீண்ட நேரம் அழுத்தி (long-press) "மொழிபெயர்க்கவும்" (Translate) விருப்பத்தைத் தேர்ந்தெடுக்கலாம். இதன் மூலம், வேறு மொழியில் வரும் செய்திகள் உடனடியாக பயனரின் விருப்ப மொழிக்கு மாற்றப்பட்டு காட்டப்படும்.

இதையும் படிங்க: இனி பாட்டு கேட்டுகிட்டே CHAT தான்.. spotify-யின் அட்டகாச அப்டேட்..!!

உதாரணமாக, இங்கிலீஷ் அல்லது ஸ்பானிஷ் சாட்களை தமிழ் அல்லது ஹிந்தியில் படிக்கலாம். இந்த அம்சத்தின் சிறப்பு, அனைத்து மொழிபெயர்ப்புகளும் பயனரின் சாதனத்திலேயே (on-device) நடைபெறும் என்பதே. மெட்டா தெரிவித்தபடி, "சாட்களின் தனியுரிமையைப் பாதுகாக்க, மொழிபெயர்ப்புகள் வாட்ஸ்அப் சர்வர்களுக்கு அனுப்பப்படாது.

"இதற்காக, பயனர்கள் முன்கூட்டியே மொழி பேக் (language packs) பதிவிறக்கம் செய்ய வேண்டும். இது என்-டு-என் (end-to-end) குறியீட்டு முறையை பாதுகாக்கிறது, மேலும் கூகுள் டிரான்ஸ்லேட் போன்ற வெளி செயலிகளைத் தேவையின்றி மாற்றுகிறது. இந்த வசதி, 2024 இறுதியில் பீட்டா பதிப்புகளில் சோதனை செய்யப்பட்டது, இப்போது அனைத்து பயனர்களுக்கும் கிடைக்கிறது. முதற்கட்டமாக ஆங்கிலம், இந்தி, அரபிக், ஸ்பானிஷ் உள்ளிட்ட 19 மொழிகளில் இந்த சேவை கிடைக்கிறது.

இந்த அம்சம் பயனர்களுக்கு ஏற்படும் வசதிகளைப் புரிந்துகொள்ள, ஒரு எடுத்துக்காட்டைப் பார்க்கலாம். பன்னாட்டு வணிகரீதியான குரூப் சாட்டில், சீனாவைச் சேர்ந்த தொழிலதிபர் அனுப்பும் செய்தியை உடனடியாக தமிழில் படித்து பதிலளிக்கலாம். பயணிகள், வெளிநாட்டு நண்பர்களுடன் உரையாடும் இளைஞர்கள் அல்லது பல மொழி பேசும் குடும்பங்களுக்கு இது பெரும் உதவியாக அமையும். ஆனால், ஆஃப்லைன் செயலாக்கத்தால் சில சிக்கலான வாக்கியங்கள் சரியாக மொழிபெயர்க்கப்படாமல் போகலாம் என வாட்ஸ்அப் எச்சரிக்கிறது.

பயனர்கள் தனிப்பட்ட செய்திகளை மட்டும் அல்லது முழு சாட்டையும் தானியங்கி மொழிபெயர்க்கும் விருப்பத்தைத் தேர்ந்தெடுக்கலாம். ஏற்கனவே வாய்ஸ் நோட் டிரான்ஸ்கிரிப்ஷன் போன்ற AI அம்சங்களை அறிமுகப்படுத்திய வாட்ஸ்அப், இனி மெட்டா AI-யுடன் ஒருங்கிணைத்து சுருக்கங்களும் வழங்குகிறது.

இந்த அம்சம் Android மற்றும் iOS ஆகிய இரு தளங்களிலும் கிடைக்கிறது. பயனர்கள் (Settings) > Chats > Translation என்பதன் மூலம் இதை செயல்படுத்தலாம். வாட்ஸ்அப், இந்த புதுமையால் பயனர்களின் ஈடுபாட்டை 20% வரை அதிகரிக்கும் என ஆய்வுகள் கூறுகின்றன. மொழி பேதங்களைத் தாண்டிய உரையாடல்களுக்கு இது ஒரு புரட்சி. 

இதையும் படிங்க: ஏசி ஓடினாலும் ரூம் ஜில்லுனு இல்லையா? இதோ தீர்வுகள்!