வேலூர்: தமிழக சட்டமன்றத் தேர்தல் நெருங்கி வரும் நிலையில், முதலமைச்சர் மு.க.ஸ்டாலின் மாவட்டம் தோறும் தீவிர பிரசாரத்தில் ஈடுபட்டு வருகிறார். அதன் ஒரு பகுதியாக, இன்று செவ்வாய்க்கிழமை வேலூர் மாவட்டத்தில் அவர் பிரசாரம் மேற்கொண்டார்.

வேலூர் மாவட்டம் கே.வி.குப்பம் பகுதியில் காலையில் முதலமைச்சர் மு.க.ஸ்டாலின் நடைபயிற்சி மேற்கொண்டார். அப்போது அந்தப் பகுதியில் உள்ள வீடுகளுக்குச் சென்று பொதுமக்களை நேரில் சந்தித்தார். அரசு கொண்டு வந்துள்ள பல்வேறு நலத்திட்டங்கள் மற்றும் மக்கள் நலன் சார்ந்த திட்டங்களை எடுத்துரைத்து, அவர்களிடம் வாக்கு சேகரித்தார்.

அங்கு கூடியிருந்த மக்கள் முதலமைச்சருக்கு உற்சாக வரவேற்பு அளித்தனர். பலர் அவருடன் கை குலுக்கியதோடு, செல்பி எடுத்துக்கொண்டு தங்களது ஆதரவை வெளிப்படுத்தினர். மக்களின் அன்பான வரவேற்பு முதலமைச்சருக்கு உற்சாகத்தை ஏற்படுத்தியது.

இதையும் படிங்க: தஞ்சையில் 4ம் கட்ட சுற்றுப்பயணம்!! முதல்வர் மு.க.ஸ்டாலின் சூறாவளி பிரசாரம்!! திமுக உற்சாகம்!

இன்று, கே.வி. குப்பம் தொகுதியில் காலைப் பரப்புரையின்போது, கலைஞர் கனவு இல்லம் திட்டப் பயனாளி ஒருவரின் வீட்டுக்கு, அவரது அன்பான அழைப்பை ஏற்றுச் சென்றேன்.

கலைஞர் மகளிர் உரிமைத் திட்டத்திலும் அந்தச் சகோதரி மாதம் ஆயிரம் ரூபாய் பெற்று வருகிறார். அவரது குழந்தைகளும் பள்ளியில் காலை… pic.twitter.com/wTgDRFMGcX

— M.K.Stalin - தமிழ்நாட்டை தலைகுனிய விடமாட்டேன் (@mkstalin) April 14, 2026

இன்று மாலை 5 மணியளவில் வேலூர் மாவட்டம் பள்ளிகொண்டா அருகே உள்ள கந்தனேரியில் பொதுக்கூட்டம் நடைபெற உள்ளது. இந்தக் கூட்டத்தில் அருகிலுள்ள ஐந்து சட்டமன்றத் தொகுதிகளில் போட்டியிடும் தி.மு.க. வேட்பாளர்களை ஆதரித்து முதலமைச்சர் மு.க.ஸ்டாலின் பிரசாரம் செய்ய உள்ளார். தேர்தல் நாளான ஏப்ரல் 23ஆம் தேதி நெருங்கி வரும் நிலையில், முதலமைச்சரின் இந்த பிரசாரம் தி.மு.க.வுக்கு பெரும் உத்வேகத்தை அளிக்கும் என்று எதிர்பார்க்கப்படுகிறது.

முதலமைச்சர் ஸ்டாலின் தொடர்ந்து மக்களிடையே சென்று பேசி, அரசின் சாதனைகளை விளக்கி வருகிறார். குறிப்பாக, ஏழை எளிய மக்களுக்கு உதவும் திட்டங்கள், பெண்கள் மற்றும் இளைஞர்களுக்கான வசதிகள் ஆகியவற்றை சுட்டிக்காட்டி வாக்கு கோரி வருகிறார். வேலூர் மாவட்ட மக்களின் உற்சாக வரவேற்பு, தி.மு.க.வின் வெற்றிக்கு நல்ல சகுனமாக பார்க்கப்படுகிறது.

தேர்தல் பிரசாரம் சூடுபிடித்துள்ள இந்த கட்டத்தில், அனைத்து கட்சிகளும் தீவிரமாக மக்களைச் சந்தித்து வருகின்றன. முதலமைச்சர் ஸ்டாலினின் நேரடி பிரசாரம் மற்றும் வீடு வீடாக சென்று வாக்கு சேகரிப்பு, மக்களிடையே நல்ல எதிரொலியை ஏற்படுத்தி வருகிறது. வேலூர் மாவட்டத்தில் இன்று நடைபெறும் பொதுக்கூட்டத்தில் பெருந்திரளான மக்கள் கலந்துகொள்ளும் வாய்ப்பு உள்ளது.

இதையும் படிங்க: பாஜக தேர்தல் அறிக்கை இன்று வெளியீடு!! காத்திருக்கும் ட்விஸ்ட்!! கவர்ச்சிகர அறிவிப்புகள் இடம்பெறுமா?