ஐந்து மாவட்ட குப்பைகளை கொண்டு வந்து சேலத்தில் கொட்டி, அதன் மூலம் மின்சாரம் தயாரிப்பதாக கூறும் திட்டத்தை அரசு கைவிடும் வரை பாமக தொடர் போராட்டத்தில் ஈடுபடும் என சேலத்தில் ஆய்வு மேற்கொண்ட சட்டமன்ற உறுப்பினர் சௌமியா அன்புமணி உறுதிபட தெரிவித்துள்ளார். சேலம் மாநகராட்சி ஜாகிர் அம்மாபாளையம் பகுதியில் 90 ஏக்கர் பரப்பளவில் குப்பையில் இருந்து மின்சாரம் தயாரிக்கும் திட்டம் கொண்டுவரப்படும் என தமிழ்நாடு முதலமைச்சர் ஜோசப் விஜய், சட்டமன்றத்தில் 110 விதியின் கீழ் அறிவித்தார். 

ஈரோடு நாமக்கல் கரூர் தர்மபுரி சேலம் ஆகிய ஐந்து மாவட்ட குப்பைகள் இங்கு கொட்டி எரியூட்டப்பட்டு , பின்னர் அதில் இருந்து மின்சாரம் தயாரிக்கப்படும் என்ற திட்டம் அறிவித்ததில் இருந்தே, சேலம் மாநகர மக்கள் கடுமையாக எதிர்ப்பு தெரிவித்து வருகின்றனர். சேலம் மாநகராட்சி மாமன்ற கூட்டத்திலும் இத்திட்டத்தை ரத்து செய்ய வேண்டும் என தீர்மானம் நிறைவேற்றப்பட்டுள்ளது. 

இத்திட்டம் கொண்டுவரும் பட்சத்தில் , நிலத்தடி நீர் பாதிக்கும் , காற்று மாசுபடும் பல்வேறு நோய்கள் பரவும் என கூறி சுற்று வட்டார பகுதி மக்கள் கடுமையாக எதிர்ப்பு தெரிவித்து வருகின்றனர். இந்த நிலையில் பாட்டாளி மக்கள் கட்சியின் சட்டமன்ற உறுப்பினரான சௌமியா அன்புமணி இன்று திட்டம் செயல்படுத்தப்பட உள்ள 90 ஏக்கர் நிலத்தை பார்வையிட்டார். கனிம வளங்கள் நிறைந்த மேக்னசை பகுதியாக உள்ள இந்த நிலத்தில் குப்பைகளை கொண்டு வந்து கொட்டுவது , புதையலை தூக்கி எறிந்து விட்டு குப்பைமமாக்கும் செயலாகும் என்று விமர்சித்தார்.  

இதையும் படிங்க: ஜெயிலில் இருந்தது பெருமை.!! "ஓம்சக்தி பராசக்தி-னு ஆட்சியை கடத்த முடியாது".! நாதக கார்த்திகா திட்டவட்டம்.!!

இதனைத் தொடர்ந்து சௌமியா அன்புமணி கூறும் போது, ஆயிரம் கோடி ரூபாய் கொண்டு வந்து சேலம் மாவட்டத்தை பாலைவனமாக்கும் திட்டமாகும் என்று கூறினார். இங்கு சோலார் போட்டாலே தேவையான மின்சாரத்தை தயாரிக்க முடியும். இது மின்மிகை மாநிலம். இந்தத் திட்டத்தை நாங்கள் வரவிட மாட்டோம். சட்ட அழுத்தங்கள் கொடுப்போம் என உறுதியோடு தெரிவித்தார். தொடர்ந்து பேசிய அவர், எனவே இத்திட்டத்தை கொண்டுவரக் கூடாது என பாமக தொடர்ந்து போராடும் என்றார். 

இதையும் படிங்க: மழைக்கால மின்தடையைத் தடுக்க சென்னையில் அதிரடி ஏற்பாடு..! 1000 டிரான்ஸ்பார்மர்கள் மாற்றம்..? அமைச்சர் நிர்மல் குமார் பேட்டி.!!