சத்தீஸ்கர் மாநிலம் ராஜ்நந்த்காவ் மாவட்டத்தின் காவல் கண்காணிப்பாளராக (எஸ்பி) பணியாற்றும் ஐபிஎஸ் அதிகாரி அங்கிதா சர்மாவின் சமீபத்திய நிகழ்வு சமூக ஊடகங்களில் பெரும் விவாதத்தை ஏற்படுத்தியுள்ளது. விஜயதசமி அன்று காவல் நிலையங்களில் நடைபெறும் பாரம்பரிய சாஸ்திர பூஜையின் போது, நீல நிற சேலை அணிந்த அவர் ஏகே-47 துப்பாக்கியைக் கையில் எடுத்து வானை நோக்கி ஒன்பது ரவுண்டுகள் சுட்ட காட்சி வீடியோவாக பரவி உள்ளது. 

இந்தக் காட்சியைப் பார்த்த சிலர் அவரது துணிச்சலையும் ஆயுதங்களைக் கையாளும் திறனையும் பாராட்டினர். ஆனால் மற்றொரு தரப்பினர் பொது இடத்தில் இத்தகைய சுடுதலை மேற்கொள்வது பாதுகாப்பு விதிகளை மீறுவதாகவும், சுற்றிலும் இருந்தவர்களுக்கு அச்சத்தை ஏற்படுத்தியதாகவும் விமர்சித்தனர்.

அங்கிதா சர்மா 1990ஆம் ஆண்டு ஜூன் மாதம் சத்தீஸ்கரின் துர்க் மாவட்டத்தில் பிறந்தவர். தந்தை ராகேஷ் சர்மா தொழிலதிபர்; தாய் சவிதா சர்மா. மூன்று மகள்களில் மூத்தவராக வளர்ந்த அவர், பள்ளிக் காலத்தில் கணிதத்தில் சிரமப்பட்டாலும் பின்னர் வணிகப் பாடங்களில் சிறந்து விளங்கினார். 

இதையும் படிங்க: மிஷன் ஒலிம்பிக் 2036 சிறப்பு அதிகாரியாக ஐபிஎஸ் மயில்வாகனன் நியமனம்! தமிழ்நாடு அரசு உத்தரவு!

எம்பிஏ படிப்பை இடையில் விட்டுவிட்டு யுபிஎஸ்சி தேர்வுக்குத் தயாரானார். இரண்டு முறை தோல்வியடைந்த பிறகு மூன்றாவது முயற்சியில் 203வது அகில இந்திய தரவரிசையில் தேர்ச்சி பெற்று 2018 பேட்ச் ஐபிஎஸ் அதிகாரியாகச் சொந்த மாநிலக் காட்ரில் சேர்ந்தார்.

https://x.com/treeni/status/2112646060820795458?ref_src=twsrc%5Etfw%7Ctwcamp%5Etweetembed%7Ctwterm%5E2112646060820795458%7Ctwgr%5E055f3fa03e0f3588c7e1740ce4c588a6efa862f9%7Ctwcon%5Es1_c10&ref_url=https%3A%2F%2Ftamil.oneindia.com%2Fnews%2Fchandigarh%2Fchhattisgarh-ips-ankita-sharma-firing-ak-47-during-dussehra-shastra-puja-839643.html

நக்சலைட் பாதிப்புள்ள பகுதிகளில், குறிப்பாக பாஸ்டர் பகுதியில் நடத்திய ஆபரேஷன்களால் ‘லேடி சிங்கம்’ என்று அழைக்கப்படும் அவர், குறுகிய காலத்திலேயே மக்களிடம் நற்பெயர் பெற்றார். தற்போது ராஜ்நந்த்காவில் எஸ்பியாகப் பணியாற்றி வருகிறார். 

அவரது கணவர் இந்திய ராணுவத்தில் மேஜராகப் பணியாற்றுகிறார். சமூக ஊடகங்களிலும் செயலூக்கமாக இருக்கும் அங்கிதா சர்மாவின் இந்தச் சேலை-ஏகே-47 காட்சி, பாரம்பரியமும் நவீன காவல் பணியும் இணையும் தருணமாகவும், அதேசமயம் பொறுப்பான ஆயுதப் பயன்பாடு குறித்த விவாதமாகவும் தொடர்கிறது.

இதையும் படிங்க: சென்னையை ஒருவழியாக்கும் மழை..!! வேளச்சேரிக்கு வந்திறங்கிய படகுகள்.. தயார் நிலையில் மீட்புப் படை..!!