டில்லியில பாஜக தலைமையிலான தேசிய ஜனநாயக கூட்டணி (NDA) பார்லிமென்ட் குழு கூட்டம் நடந்தது. இந்தக் கூட்டத்துல பிரதமர் நரேந்திர மோடிக்கு NDA எம்பிக்கள் உற்சாகமா வரவேற்பு கொடுத்து, பாராட்டு மழை பொழிஞ்சாங்க. இந்தக் கூட்டத்துல ‘ஆபரேஷன் சிந்தூர்’ ராணுவ நடவடிக்கை பற்றி மோடி விரிவா பேசினார். 

பாகிஸ்தானில் பயங்கரவாத முகாம்களை தகர்க்க இந்திய ராணுவம் மேற்கொண்ட இந்த நடவடிக்கை, பஹல்காம் தாக்குதலுக்கு (ஏப்ரல் 22, 2025) பதிலடியாக நடத்தப்பட்டது. இந்தக் கூட்டத்துல மோடி, எதிர்க்கட்சிகளையும், குறிப்பா காங்கிரஸ் தலைவர் ராகுல் காந்தியையும் பங்கமாக கலாய்ச்சு, அவங்களோட “சின்னப்பிள்ளைத்தனமான” நடவடிக்கைகளை விமர்சிச்சார்.

மோடி பேசும்போது, “ஆபரேஷன் சிந்தூர் பற்றி எதிர்க்கட்சிகள் கேள்வி எழுப்புறது, தங்களையே தாங்க காயப்படுத்திக்கிற மாதிரி இருக்கு. இப்படிப்பட்ட விவாதங்களை இன்னும் கேளுங்க, நாங்க மகிழ்ச்சியோட ஏத்துக்குவோம். முழு நாடும் இவங்க நடத்தையை பார்த்துக்கிட்டு இருக்கு.

இதையும் படிங்க: உண்மையில் நீங்கள் இந்தியரா? ராகுல்காந்தியை வெளுத்து வாங்கிய சுப்ரீம் கோர்ட்..!

நாம ஏன் தடுக்கணும்? ராகுல் ஏதாவது பேசிக்கிட்டே இருப்பாரு, ஆனா அடிக்கடி சின்னப்பிள்ளை மாதிரி நடந்துக்கிறாரு. உச்ச நீதிமன்றம் கூட அவரை கண்டிச்சிருக்கு. இவங்க குழந்தைத்தனத்தை நாடே பார்த்துடுச்சு,”னு ராகுலை கிண்டலடிச்சு, பார்லிமென்ட் கூட்டத்தை கலகலப்பாக்கினார்.

இந்தக் கூட்டத்துல ‘ஆபரேஷன் சிந்தூர்’ மற்றும் ‘ஆபரேஷன் மகாதேவ்’ நடவடிக்கைகளை பாராட்டி ஒரு தீர்மானமும் நிறைவேற்றப்பட்டது. இந்த தீர்மானத்துல, “ஆபரேஷன் சிந்தூர் மற்றும் ஆபரேஷன் மகாதேவ் ஆகியவை நம்ம ஆயுதப்படைகளோட விதிவிலக்கான வீரத்தையும், உறுதியான அர்ப்பணிப்பையும் காட்டுது.

பஹல்காமில் நடந்த கொடூர பயங்கரவாத தாக்குதல்ல (26 உயிர்கள் பறிபோனது) உயிரிழந்தவங்களுக்கு மனதார மரியாதை செலுத்துறோம், ஆழ்ந்த இரங்கலை தெரிவிக்கிறோம்,”னு குறிப்பிடப்பட்டிருக்கு. இந்த தீர்மானம், இந்திய ராணுவத்தோட துணிச்சலையும், பயங்கரவாதத்துக்கு எதிரான உறுதியையும் உலகுக்கு காட்டுற மாதிரி இருக்கு.

‘ஆபரேஷன் சிந்தூர்’ மே 7-ல் ஆரம்பிச்சு, பாகிஸ்தான் மற்றும் PoK-ல இருந்த ஜெய்ஷ்-இ-முகமது, லஷ்கர்-இ-தொய்பா முகாம்கள் மீது இந்திய விமானப்படை மிஸ்ஸைல் தாக்குதல் நடத்தியது. இதுல 100-க்கும் மேற்பட்ட பயங்கரவாதிகள் கொல்லப்பட்டாங்க, பயங்கரவாத முகாம்கள் தரைமட்டமாக்கப்பட்டன.

மோடி, மே 12-ல் நாட்டு மக்களுக்கு ஆற்றிய உரையில், “இந்தியா பயங்கரவாதத்துக்கு எதிரா ஒரு புது அத்தியாயத்தை தொடங்கியிருக்கு. இனி பயங்கரவாதிகளோ, அவங்களுக்கு ஆதரவு கொடுக்குற அரசோ, இந்தியாவை தொட முடியாது. ஆபரேஷன் சிந்தூர் ஒரு தொடக்கம் மட்டுமே, இன்னும் தேவைப்பட்டா தாக்குவோம்,”னு பாகிஸ்தானுக்கு எச்சரிக்கை விடுத்தார்.

இந்த கூட்டத்துல, மோடி எதிர்க்கட்சிகளோட கேள்விகளை “பாகிஸ்தானோட பேச்சு வார்த்தையை” ஒத்திருக்குனு கடுமையா விமர்சிச்சார். “காங்கிரஸ் ஆட்சியில் இருந்தப்போ, பயங்கரவாதத்துக்கு எதிரா இப்படி துணிச்சலான நடவடிக்கை எடுத்ததில்லை.

இப்போ நாங்க எடுக்குற ஒவ்வொரு முடிவையும் கேள்வி கேக்குறாங்க. இது ராணுவத்தோட மன உறுதியை குறைக்குற மாதிரி இருக்கு,”னு குற்றம்சாட்டினார். இதோட, ஆபரேஷன் சிந்தூருக்கு உலக நாடுகள் ஆதரவு கொடுத்ததை மோடி பெருமையோட சொன்னார். “ஒரு உலகத் தலைவரும் எங்களை நிறுத்த சொல்லல, எங்க ராணுவத்தோட துல்லியமான தாக்குதலுக்கு உலகமே பாராட்டுது,”னு கூறினார்.

இதையும் படிங்க: மோடி பிரதமரா ஆகியிருக்கவே முடியாது! நாங்கள் தோற்கவில்லை, அழிக்கப்பட்டோம் என ராகுல் வேதனை..!