தமிழ்நாட்டில் சட்டமன்ற தேர்தல் அடுத்த ஆண்டு நடைபெற உள்ள நிலையில் அனைத்து அரசியல் கட்சிகளும் தேர்தலுக்கு தயாராகி வருகின்றனர். அதே நேரத்தில் புதிதாக கட்சி தொடங்கியுள்ள நடிகர் விஜய்யும் 2026 சட்டசபை தேர்தல் தான் இலக்கு என்று கூறியுள்ளார். ஆட்சி அரியணையை நோக்கி திமுக, அதிமுக பாஜக கூட்டணி, விஜய்யின் தமிழக வெற்றிக் கழகம், சீமானின் நாம் தமிழர் கட்சிகள் போட்டிப்போட தொடங்கியுள்ளன. இதில் அதிமுக பாஜக கூட்டணி ஆட்சியை பிடிக்க தற்போதே தீவிரமாக பணியாற்றி வருகின்றன.

இதற்கான முதல் படியாக பாஜக தலைவர் அண்ணாமலையை மாற்றி புதிய தமிழக பாஜக தலைவராக நயினார் நாகேந்திரன் நியமிக்கப்பட்டார். அதன்பிறகு புதிய நிர்வாகிகளை நியமிக்குமாறு நயினார் நாகேந்திரனுக்கு பாஜக தலைமை அறிவுறுத்தி இருந்தது. இதையடுத்து அவர் ஒரு பட்டியலை தயாரித்து அதனை டெல்லி சென்று அளித்தார். மாநில அளவில் 28 பதவிகளுக்கு புதிய நிர்வாகிகளாக யார் யாரை நியமிப்பது தொடர்பான ஆலோசனைகளில் ஈடுபட்டார்.

இதையும் படிங்க: நடிகை மீனாவுக்கு மாநில பொறுப்பு...! நயினார் நாகேந்திரன் பரபரப்பு பிரஸ்மீட்...!

அப்போது அண்ணாமலை, மத்திய இணை அமைச்சர் எல் முருகனின் ஆதரவாளர்களும் இதில் இருக்குமாறு நயினார் நாகேந்திரனுக்கு அறிவுறுத்தப்பட்டதாக கூறப்படுகிறது. இந்த நிலையில் நேற்று மீண்டும் தமிழக பாஜக தலைவர் நயினார் நாகேந்திரன் டெல்லி சென்று ஜே.பி நட்டாவை சந்தித்துள்ளார். அப்போது இந்த மாநில அளவிலான 28 பதவிகளுக்கான பட்டியல் குறித்து ஆலோசிக்கப்பட்டுள்ளது. 2026 தேர்தலில் வெற்றி பெற நடிகர், நடிகைகளின் முகங்களை பாஜக விரும்புகிறது. மேலும் தென் மாவட்டங்களில் கட்சியை பலப்படுத்தும் முயற்சியிலும் பாஜக ஈடுபட்டு வருகிறது.

இந்த நிலையில் இன்று செய்தியாளர்களை சந்தித்த நயினார் நாகேந்திரன், பாஜகவில் நிறைய பேர் தற்போது இணைந்து வருகிறார்கள். அப்படி வருபவர்களை நாங்கள் வரவேற்கிறோம். இது எதை காட்டுகிறது என்றால், ஸ்டாலினுக்கு ஆட்சி முடியப் போகிறது. அடுத்த ஆண்டில் தேர்தல் நடக்க போகிறது. அடுத்த தேர்தலில் எந்த கட்சி வெற்றி பெறப் போகிறதோ. அந்த கட்சியின் பக்கம் எல்லாரும் வந்துகொண்டு இருப்பார்கள். அதனால் நாங்க யார் வந்தாலும் வரவேற்போம். நீங்க எப்படியாவது கூட்டணியை உடைத்துவிடலாம் என்று நினைக்கிறீங்க.. ஆனால் அதுமட்டும் நடக்கவே நடக்காது என்று தெரிவித்துள்ளார்.

இதையும் படிங்க: ஆணவ அரசியலை அழிப்பது உறுதி.. ஆ.ராசா பேச்சால் கொதித்துப்போன நயினார்..!