தமிழ்நாட்டில் 2025-26 கல்வியாண்டுக்கான +2 பொதுத் தேர்வு வெற்றிகரமாக முடிவடைந்துள்ளது. இந்தத் தேர்வு மாணவர்களின் எதிர்காலத்தைத் தீர்மானிக்கும் முக்கியமான கட்டமாகக் கருதப்படுகிறது. பள்ளி கல்வித் துறையின் கீழ் இயங்கும் அரசு தேர்வுகள் இயக்குநரகம் இந்தத் தேர்வை சிறப்பாக நடத்தியுள்ளது.இந்த ஆண்டு +2 பொதுத் தேர்வு மார்ச் 2 அன்று தொடங்கி மார்ச் 26 அன்று முடிவடைந்தது.

செய்முறைத் தேர்வுகள் அதற்கு முன்பாகவே பிப்ரவரி 9 முதல் 14 வரை நடைபெற்றன. தேர்வு கால அட்டவணை நவம்பர் 4, 2025 அன்று அதிகாரப்பூர்வமாக வெளியிடப்பட்டது. தேர்வுகள் காலை 10 மணிக்கு தொடங்கி மதியம் 1.15 மணி வரை நடைபெற்றன.

முதல் நாளில் தமிழ் மற்றும் இதர மொழிப் பாடங்கள், பின்னர் ஆங்கிலம், அறிவியல், கணிதம், வரலாறு உள்ளிட்ட பாடங்கள் அடுத்தடுத்து நடைபெற்றன. கடைசி நாளான மார்ச் 26 அன்று கணினி அறிவியல், கணினி பயன்பாடுகள், உயிரி வேதியல் போன்ற பாடங்கள் நடைபெற்றன.இந்தத் தேர்வில் சுமார் 8.27 லட்சம் மாணவர்கள் பங்கேற்றனர். மொத்தம் 3,412 தேர்வு மையங்களில் இந்தத் தேர்வு அமைதியான முறையில் நடைபெற்றது. 

இதையும் படிங்க: ஈரான் வைக்கும் அடுத்த ஆப்பு! நடுங்கும் உலக நாடுகள்!! பாப் அல் மண்டப் ஜலசந்தியையும் மூடுவதாக மிரட்டல்!

தேர்வு முடிந்த நிலையில், விடைத்தாள்கள் திருத்தும் பணி ஏப்ரல் மாதத்தில் தொடங்கி விரைவாக முடிக்கப்படும் என கூறப்பட்டுள்ளது. தேர்வு முடிவுகள் மே 8 அன்று வெளியிடப்படும் என கூறப்பட்டுள்ளது. தேர்வு முடிவுகளை குறித்த நேரத்தில் வெளியிட அதிகாரிகள் செயல்பட்டு வருகின்றனர்

. 

இதையும் படிங்க: “லைக் போடாதீங்க ஓட்டு போடுங்க...”  -  ஆத்தூர் பரப்புரையில் சீமான் கலகல... களைக்கட்டும் தேர்தல் களம்...!