தமிழ்நாடு சட்டப்பேரவையின் 17வது கூட்டத்தொடரின் இரண்டாம் நாள் அமர்வு இன்று காலை சபாநாயகர் பிரபாகர் தலைமையில் தொடங்கியது. மறைந்த முன்னோடிகளுக்கு சட்டசபையில் இரங்கல் தெரிவித்து தீர்மானம் நிறைவேற்றப்பட்டது. இதை தொடர்ந்து முதல்வர் விஜய் மேகதாது விவகாரம் தொடர்பாக தனி தீர்மானத்தை முன்மொழிந்தார். மேகதாது அணைத்திட்டத்திற்கு எதிராக சட்டப்பேரவையில் தீர்மானம் கொண்டு வந்து அதனை முதல்வர் விஜய் முன்மொழிந்துள்ளார். அரசியலே மக்களுக்கானது என்பது அனைத்து கட்சிகளுக்கும் பொருந்தும் என்றும் தனது தனி தீர்மானத்தை முதல்வர் விஜய் முன்மொழிந்து பேசினார். கொள்கை மற்றும் நிலைப்பாட்டில் வேறுபாடு இருக்கலாம் என்றும் ஆனால் மக்கள் பிரச்சனை என்றால் அனைத்துக் கட்சியையும் மக்கள் பக்கம் நிற்கும் எனவும் தெரிவித்துள்ளார்.

முதல்வர் விஜயின் தனி தீர்மானத்திற்கு பல்வேறு சட்டமன்ற உறுப்பினர்கள் ஆதரவு தெரிவித்துள்ளனர். இந்த நிலையில், மேகதாது விவகாரத்தில் முதல்வர் விஜய் முன்மொழிந்த தீர்மானத்தின் மீது அதிமுக பொதுச் செயலாளரும் எடப்பாடி சட்டமன்ற தொகுதி எம்எல்ஏவுமான எடப்பாடி பழனிச்சாமி உரையாற்றினார்.

அப்போது, மேகதாது அணை கட்டும் பல்வேறு முயற்சியை அதிமுக அரசு தடுத்துள்ளது என்று கூறினார். மேகதாதுவில் அணை கட்டப்படுவதை தடுக்க ஜெயலலிதா முதல்வராக இருந்தபோது பிரதமருக்கு கடிதம் எழுதியதாக குறிப்பிட்டுள்ளார். மேகதாதுவில் அணை கட்டுவதற்கு எதிராக அதிமுக எடுத்த நடவடிக்கைகளை பட்டியலிட்டு பேசினார். அதிமுக ஆட்சிக்காலத்தில் பிரதமருக்கு கடிதம் மூலமாகவும் நேரடியாகவும் மேகதாது விவகாரம் குறித்து வலியுறுத்தப்பட்டதாகவும் குறிப்பிட்டுள்ளார்.

இதையும் படிங்க: தமிழகம் VS கர்நாடகா…! முதல்வர் விஜயின் மேகதாது எதிர்ப்பு தீர்மானம்… எதிர்க்கட்சிகள் ஒருமித்த குரல்..!!

மேகதாதுவில் அணை கட்டப்பட்டால் தமிழ்நாடு கடுமையாக பாதிக்கும் என்றும் தெரிவித்தார். தொடர்ந்து பேசிய எடப்பாடி பழனிச்சாமி, கர்நாடகா அரசின் இந்த முயற்சி தமிழ்நாட்டை பாலைவனமாக்கும் உள்நோக்கம் கொண்டது என்றும் குற்றம் சாட்டினார். மேகதாது அணை கட்டப்பட்டால் விவசாயிகளின் வாழ்வாதாரம் மற்றும் உரிமை பறிபோகும் என்று கூறினார். காவிரியில் நமக்கான உரிமையை பேணி காக்க வேண்டியது நமது கடமை என்று எடப்பாடி பழனிச்சாமி தெரிவித்து மேகதாது அணைத்திட்டத்திற்கு எதிராக பேரவையில் கொண்டுவரப்பட்ட தீர்மானத்திற்கு அதிமுக ஆதரவளிப்பதாக கூறியுள்ளார். 

இதையும் படிங்க: ஆரம்பமே அதிரடி..! மேகதாதுவுக்கு எதிர்ப்பு..! பேரவையில் தனித் தீர்மானத்தை முன்மொழிந்த முதல்வர் விஜய்..!