தமிழகத்தில் பாரதிய ஜனதா கட்சி ஆட்சியை நோக்கி தீவிர முயற்சிகளை மேற்கொண்டு வருகிறது. திராவிட அரசியலின் கோட்டையாக விளங்கும் தமிழ்நாட்டில், பாஜகவுக்கு இதுவரை குறிப்பிடத்தக்க வெற்றி கிடைக்கவில்லை என்றாலும், கடந்த சில ஆண்டுகளாக அக்கட்சி தனது செல்வாக்கை அதிகரித்து வருகிறது. குறிப்பாக, 2024 நாடாளுமன்றத் தேர்தலில் தனித்து போட்டியிட்டு 11 சதவீதத்துக்கும் மேலான வாக்குகளைப் பெற்றது பாஜகவின் வளர்ச்சியை உறுதிப்படுத்தியது.
இருப்பினும், ஒரு தொகுதியில் கூட வெற்றி பெறவில்லை. இந்நிலையில், 2026 சட்டப்பேரவைத் தேர்தலை இலக்காகக் கொண்டு பாஜக தீவிர உத்திகளை வகுத்து வருகிறது. இதில் மத்திய உள்துறை அமைச்சர் அமித் ஷாவின் பங்கு மிக முக்கியமானது.பாஜகவின் தமிழக உத்தியில் அமித் ஷா முக்கிய பங்காற்றி வருகிறார். அவர் அடிக்கடி தமிழகம் வந்து கட்சி நிர்வாகிகளுடன் ஆலோசனை நடத்துவது, கூட்டணி பேச்சுவார்த்தைகளை முன்னெடுப்பது, பொதுக்கூட்டங்களில் பங்கேற்பது போன்ற செயல்பாடுகள் தமிழக அரசியலில் பரபரப்பை ஏற்படுத்தியுள்ளன. 2024 தேர்தலுக்குப் பிறகு, அதிமுகவுடனான உறவை மீண்டும் புதுப்பித்து என்டிஏ கூட்டணியை வலுப்படுத்துவதில் ஷாவின் பயணங்கள் முக்கிய பங்கு வகித்தன.
2025 ஆண்டில் பலமுறை தமிழகம் வந்த ஷா, அதிமுக தலைவர் எடப்பாடி பழனிசாமியுடன் பேச்சுவார்த்தை நடத்தி கூட்டணியை உறுதிப்படுத்தினார். அதேநேரம், முன்னாள் பாஜக மாநிலத் தலைவர் கே. அண்ணாமலையை மாற்றி நயினார் நாகேந்திரனை நியமிப்பதிலும் ஷாவின் தலையீடு இருந்தது. இது கூட்டணி உத்தியை மேம்படுத்துவதற்கான நடவடிக்கையாகப் பார்க்கப்படுகிறது.
இதையும் படிங்க: ஜன.20ல் தமிழக சட்டப்பேரவை... ஆளுநர் மாண்பை காப்பார் என நம்புகிறோம்... சபாநாயகர் அப்பாவு பேட்டி..!
தேர்தல் நெருங்கும் நிலையில் தமிழகத்திற்கு அடிக்கடி உள்துறை அமைச்சர் அமித்ஷா வருகை தருவதாக கூறப்பட்டு வருகிறது. இரண்டு நாள் பயணமாக அமித் ஷா தமிழகம் வந்திருந்தார். அமித்ஷா வருகை எதிரொளியாக சென்னையிலுள்ள ஆளுநர் மாளிகையில் ஆளுநர் ரவியை அதிமுக பொதுச்செயலாளர் எடப்பாடி பழனிசாமி இன்று சந்திக்க உள்ளார். இன்று காலை 11 மணிக்கு இந்த சந்திப்பு நடைபெறும் என அறிவிக்கப்பட்டுள்ளது. மத்திய உள்துறை அமைச்சர் அமித் ஷா தமிழகம் வந்துசென்ற நிலையில், எடப்பாடி பழனிச்சாமி ஆளுநரை சந்திக்கிறார். திமுக அரசுக்கு எதிராக பல்வேறு விவகாரங்கள் அடங்கிய மனுவை அளிக்க எடப்பாடி பழனிசாமி திட்டமிட்டு உள்ளதாக கூறப்பட்டுள்ளது.
இதையும் படிங்க: அவங்க கிள்ளுக்கீரையா?.. இளைஞர்கள் வாக்கை பெற மடிக்கணினி... திமுகவை தோலுரித்த EPS...!