திமுக முன்னாள் அமைச்சர் கே.என்.நேரு தாக்கல் செய்த மறு ஆய்வு மனு மீது சென்னை உயர்நீதிமன்றம் அக்டோபர் 26ஆம் தேதி தீர்ப்பளிக்க உள்ளது. நகராட்சி நிர்வாகம் மற்றும் குடிநீர் வழங்கல் துறையில் அதிகாரிகள் நியமனத்தில் முறைகேடு நடந்ததாகக் கூறப்படும் விவகாரத்தில், லஞ்ச ஒழிப்புத் துறைக்கு வழக்குப்பதிவு செய்யுமாறு நீதிமன்றம் முன்பு பிறப்பித்த உத்தரவை மறு ஆய்வு செய்யக் கோரியதே இந்த மனு. தலைமை நீதிபதி அமர்வு இந்த வழக்கில் வாதங்களைக் கேட்டு முடித்துவிட்டு தீர்ப்புக்காக ஒத்திவைத்திருந்தது.

கடந்த திமுக ஆட்சிக் காலத்தில் நகராட்சி நிர்வாகத் துறையில் உதவிப் பொறியாளர், இளநிலைப் பொறியாளர் உள்ளிட்ட சுமார் 2,538 பணியிடங்களுக்கு நியமனம் நடைபெற்றது. இந்த நியமனங்களில் ரூ.634 கோடி வரை லஞ்சம் பெறப்பட்டுள்ளதாக அமலாக்கத் துறை தமிழக காவல்துறை தலைமை இயக்குநருக்கு கடிதம் அனுப்பியது.

அந்தக் கடிதத்தின் அடிப்படையில் வழக்குப்பதிவு செய்யக் கோரி அதிமுக எம்.பி. இன்பதுரை சென்னை உயர்நீதிமன்றத்தில் மனு தாக்கல் செய்தார். இந்த மனுவை விசாரித்த நீதிமன்றம் பிப்ரவரி மாதம் லஞ்ச ஒழிப்புத் துறைக்கு உடனடியாக வழக்குப்பதிவு செய்ய உத்தரவிட்டது. இந்த உத்தரவுக்குப் பிறகு முன்னாள் அமைச்சர் கே.என்.நேரு தரப்பில் மறு ஆய்வு மனு தாக்கல் செய்யப்பட்டது.

இதையும் படிங்க: தயங்கிய ஸ்டாலின்.. டக்கென நேரு சொன்ன அந்த வார்த்தை!! இங்கதான் திருப்பம்!!

இந்த விவகாரம் அரசியல் ரீதியாகவும் பெரும் விவாதத்தை ஏற்படுத்தியது. நேரு தரப்பு இது அரசியல் ரீதியான பழிவாங்கல் என்றும், நியமனம் வெளிப்படையாக நடைபெற்றது என்றும் தொடர்ந்து மறுத்து வருகிறது. அமலாக்கத் துறை சேகரித்த ஆதாரங்களின் அடிப்படையில் லஞ்ச ஒழிப்புத் துறை ஏற்கனவே தொடர்புடைய மற்ற விவகாரங்களில் நடவடிக்கை எடுத்திருந்தாலும், இந்த நியமன முறைகேடு தொடர்பான மறு ஆய்வு மனு மீதான தீர்ப்புதான் இப்போது கவனத்தை ஈர்த்துள்ளது.சென்னை உயர்நீதிமன்ற தலைமை நீதிபதி அமர்வு அக்டோபர் 26ஆம் தேதி இந்த மனு மீது தீர்ப்பளிக்க உள்ளது. 

இதையும் படிங்க: எ.வ. வேலுவின் மகன் குமரனுக்கு எதிரான லுக் அவுட் நோட்டீஸ் நிறுத்தி வைப்பு: சென்னை ஐகோர்ட் உத்தரவு!