தமிழகத்தில் வடகிழக்குப் பருவமழை தீவிரமடைந்து வரும் நிலையில், சென்னை, திருவள்ளூர், செங்கல்பட்டு உள்ளிட்ட 10 மாவட்டங்களில் இன்று மிக கனமழை பெய்யக்கூடும் என சென்னை மண்டல வானிலை ஆய்வு மையம் ஆரஞ்சு அலர்ட் எச்சரிக்கை விடுத்துள்ளது.

வங்கக்கடல் மற்றும் கடலோரப் பகுதிகளில் நிலவும் வளிமண்டல மேலடுக்குச் சுழற்சி காரணமாகத் தமிழகத்தில் பரவலாக மழை பெய்து வருகிறது. இதன் தொடர்ச்சியாக, கடலோர மற்றும் டெல்டா மாவட்டங்களில் மழையின் தீவிரம் அதிகரிக்கும் என வானிலை ஆய்வு மையம் கணித்துள்ளது.   

அதன்படி, சென்னை, திருவள்ளூர், செங்கல்பட்டு, கடலூர், விழுப்புரம், தஞ்சாவூர், திருவாரூர், மயிலாடுதுறை, ராமநாதபுரம் மற்றும் நாகப்பட்டினம் ஆகிய 10 மாவட்டங்களுக்கு மிக கனமழைக்கான ஆரஞ்சு அலர்ட் விடுக்கப்பட்டுள்ளது. இக்குறிப்பிட்ட மாவட்டங்களில் ஓரிரு இடங்களில் 11.5 செ.மீ முதல் 20.4 செ.மீ வரை மிக கனமழை பதிவாக வாய்ப்புள்ளதாகத் தெரிவிக்கப்பட்டுள்ளது.

இதையும் படிங்க: இன்று 6 மாவட்டங்களுக்கு வச்சாச்சு குறி... அறிவிக்கப்பட்டது ‘ஆரஞ்சு அலர்ட்’... எங்கெல்லாம் தெரியுமா?

தாழ்வான பகுதிகளில் உள்ள மக்கள் பாதுகாப்பாக இருக்குமாறும், நீர்நிலைகள் மற்றும் ஆபத்தான பகுதிகளுக்குச் செல்வதைத் தவிர்க்குமாறும் பேரிடர் மேலாண்மைத் துறை மற்றும் உள்ளாட்சி நிர்வாகங்கள் சார்பில் அறிவுறுத்தப்பட்டுள்ளது. மேலும், மாவட்ட நிர்வாகங்கள் முன்னெச்சரிக்கை நடவடிக்கைகளைத் தீவிரப்படுத்தியுள்ளன.

இதையும் படிங்க: இன்று 27 மாவட்டங்களில் மழைக்கு வாய்ப்பு... குறிப்பா இந்த 6 மாவட்டங்களில் அடித்து வெளுக்கப் போகும் கனமழை...!