2023 ஆம் ஆண்டு முதல் 10 மற்றும் 12-ஆம் வகுப்பு பொதுத் தேர்வில் சிறந்த மதிப்பெண்கள் பெற்ற மாணவ மாணவிகளுக்கு கல்வி விருது மற்றும் ஊக்கத்தொகை வழங்கி வருகிறார். 2025-ஆம் ஆண்டு இந்த விழா மூன்று கட்டங்களாக நடைபெற்றது. இதில் 300-க்கும் மேற்பட்ட மாணவ-மாணவிகளுக்கு சான்றிதழ்கள் மற்றும் ஊக்கத்தொகை வழங்கப்பட்டது.

தமிழக வாழ்வுரிமை கட்சி தலைவர் வேல்முருகன், விஜய் கல்வி விருது விழாவில் மாணவிகளை அனுமதியின்றி தொடுவது போன்ற செயல்களில் ஈடுபட்டதாக கிருஷ்ணகிரி மாவட்ட குழந்தைகள் நலக் குழுவிடம் புகார் அளித்தார். இது சமூக ஊடகங்களில் பெரும் சர்ச்சையை ஏற்படுத்தியது. இந்த நிலையில், விஜய் எங்களுக்கு தாய்மாமன் போன்றவர். சில தற்குறிகளுக்கு அது புரியாது என கல்வி விருது வழங்கும் விழா மேடையில் ஒரு மாணவி பேசியிருந்தார்.

இதையும் படிங்க: என்னை இளைய காமராஜர்-னு சொல்லாதீங்க! தவெக கல்வி விழாவில் விஜய் கோரிக்கை..!

அந்த மாணவியை தடா ஜெ ரஹீம் அருவருப்பாக விமர்சித்துள்ளார். அவரது பதிவில், இந்த பெண்ணை பெத்தாங்களா பே***ங்களா ? உனக்கு நடிகர் தான் வேண்டும் என்றால் ஹிஜாபை கழட்டி போட்டுட்டு போய் தற்குறிதனமா கும்மாளம் போடு யார் வேண்டாம் என்றது… என கூறினார்.

திரைப்படங்களில் முஸ்லீம்களை தீவிரவாதிகளாக பயங்கரவாதிகளாக சமூக விரோதிகளாக சித்தரித்து திரைப்படம் எடுத்து பணம் சம்பாதிச்ச இந்த கூத்தாடிக்கு முஸ்லிம் பெயர் தாங்கிகள்., அர்ப விளம்பரத்திற்காக தூக்கி பிடிப்பது வேறு ஏதாவது செய்யலாம்., இதுவரை இவன் மன்னிப்போ வருத்தமோ தெரியவில்லை என அவர் கூறியுள்ளார். மாணவி குறித்து தடா ஜெ ரஹீம் கூறிய கருத்து சர்ச்சையை ஏற்படுத்தியுள்ளது.

இதையும் படிங்க: எங்கள் இளைய காமராஜரே..! விஜயை ஆஹா.. ஓஹோ.. என புகழ்ந்த மாணவி..!