திருவண்ணாமலை அருணாசலேஸ்வரர் கோயிலில் நடைபெறும் கார்த்திகை மகாதீபத் திருவிழாவின் ஒரு முக்கியமான பகுதியாக, மகாதீபம் ஏற்றப்பட்ட அண்ணாமலை மீது நடத்தப்படும் பிராயச்சித்த பூஜை அமைந்துள்ளது. இந்தப் பூஜை, ஆன்மிக ரீதியில் ஆழமான அர்த்தம் கொண்டது. திருவண்ணாமலையின் அண்ணாமலை எனும் மலை, சிவபெருமானின் சுயம்பு வடிவமாகக் கருதப்படுகிறது. இறைவனே அக்னி ஜோதியாகத் தோன்றிய இடமாக இம்மலைபோற்றப்படுகிறது. ஆண்டுதோறும் கார்த்திகை மாத பௌர்ணமி அன்று மலை உச்சியில் மகாதீபம் ஏற்றப்படுகிறது. 

குறிப்பாக தீபம் ஏற்றும் பணியாளர்கள், கோயில் அதிகாரிகள், பாதுகாப்புப் பணியாளர்கள் ஆகியோர் மலை மீது ஏறிச் செல்கின்றனர். ஆனால், இம்மலை இறைவனின் திருமேனியாக வணங்கப்படுவதால், மனிதர்களின் பாதம் படுவது ஆன்மிக மரபுகளின்படி தவிர்க்கப்பட வேண்டிய ஒன்று. பக்தர்கள் பொதுவாக மலை மீது ஏற அனுமதிக்கப்படுவதில்லை.

இது ஒரு புனிதமான விதியாகக் கடைப்பிடிக்கப்படுகிறது. எனவே, மகாதீபத் திருவிழா நிறைவடைந்த பிறகு, மலை மீது மனிதர்கள் சென்று வந்ததற்கான பாவத்தை நீக்கும் வகையில் பிராயச்சித்த பூஜை நடத்தப்படுகிறது. இது ஆண்டுதோறும் வழக்கமான ஒரு சடங்கு. இப்பூஜை பொதுவாக திருவிழா முடிந்த சில நாட்களுக்குப் பிறகு நடைபெறும். இப்பூஜையின் போது, அருணாசலேஸ்வரர் கோயிலில் முதலில் புனித நீர் நிரப்பப்பட்ட கலசங்களுக்கு சிறப்பு ஹோமமும், அபிஷேகமும் நடத்தப்படும். பின்னர், அந்த புனித நீர் கலசங்கள் மலை உச்சிக்கு எடுத்துச் செல்லப்படும்.

இதையும் படிங்க: களைகட்டும் தி.மலை... முதல்வர் பங்கேற்கும் திமுக இளைஞரணி சந்திப்பு...!

அங்கு மலை மீது புனித நீர் தெளிக்கப்பட்டு, சிறப்பு பூஜை செய்யப்படும். குறிப்பாக, மலை உச்சியில் உள்ள அண்ணாமலையாரின் திருவடி சின்னத்திற்கு அபிஷேகமும், ஆராதனையும் நடைபெறும். இதன் மூலம் மலை மீது ஏற்பட்ட பாவம் நீக்கப்பட்டு, மலை மீண்டும் தூய்மையான இறை வடிவமாகப் போற்றப்படுகிறது. இந்த நிலையில், திருவண்ணாமலை மகாதீப மலையில் நகரி வாத்தியம் முழங்க வெகு விமர்சையாக பிராயச்சித்த பூஜை நடைபெற்றது. 

இதையும் படிங்க: சொன்னா கேக்க மாட்டீங்களா? நெருங்கும் தீபம்... ஆக்கிரமிப்புகளை அகற்றி அதிரடி காட்டிய ஆட்சியர்...!