தமிழக வெற்றிக் கழகம் சார்பில் நடைபெறும் கல்வி விருது வழங்கும் விழா நான்காவது ஆண்டாக விரைவில் நடைபெற உள்ளது. இந்த ஆண்டு முதலமைச்சராகப் பொறுப்பேற்றுள்ள தவெக தலைவர் விஜய், சிறந்த மாணவர்களுக்கு நேரில் விருதுகளை வழங்கி கௌரவிக்கவுள்ளார். இது தமிழக கல்வித் துறையில் மிகுந்த எதிர்பார்ப்பை ஏற்படுத்தியுள்ளது. கடந்த சில ஆண்டுகளாக தவெகவின் முன்னெடுப்பில் தொடங்கப்பட்ட இந்த விருது விழா, மாணவர்களின் கல்வி சாதனைகளை ஊக்குவிப்பதோடு, அவர்களின் உழைப்பை அங்கீகரிக்கும் முக்கிய நிகழ்வாக உருவெடுத்துள்ளது. முதல் ஆண்டு முதல் தொடர்ந்து வரும் இந்த நிகழ்வு ஒவ்வொரு முறையும் பெரும் பிரமாண்டத்துடன் நடைபெற்று வருகிறது.

மாணவர்கள் மற்றும் பெற்றோர்களிடையே இந்த விழா பெரும் வரவேற்பைப் பெற்றுள்ளது. பல மாணவர்களின் வாழ்க்கையில் இது ஒரு முக்கிய திருப்புமுனையாக அமைந்துள்ளதாக பலர் பகிர்ந்து வருகின்றனர். இந்த முறை 10, 11 மற்றும் 12ஆம் வகுப்புகளில் மாநில அளவில் முதல் மூன்று இடங்களைப் பிடித்த மாணவ, மாணவிகளுக்கு விருதுகள் வழங்கப்பட உள்ளன. பொது தேர்வுகளில் சிறப்பான மதிப்பெண்கள் பெற்று சாதித்த மாணவர்களின் உழைப்பைப் பாராட்டும் வகையில் இந்த விருதுகள் வழங்கப்படும். முதலமைச்சர் விஜய் தலைமையில் நடைபெறும் இந்த விழா, மாணவர்களுக்கு மட்டுமல்லாது, தமிழகம் முழுவதும் கல்வியின் முக்கியத்துவத்தை வலியுறுத்தும் ஒரு முக்கிய நிகழ்வாகக் கருதப்படுகிறது.

விழாவை வெற்றிகரமாக நடத்துவதற்கான ஏற்பாடுகள் தீவிரமாக நடைபெற்று வருகின்றன. தவெக மாவட்ட நிர்வாகிகளுக்கு மாணவர்களின் தகவல்களை சேகரிக்க அறிவுறுத்தல் வழங்கப்பட்டுள்ளது. ஒவ்வொரு மாவட்டத்திலும் சிறந்த மாணவர்களை அடையாளம் கண்டு, அவர்களின் பெயர், தேர்வு முடிவுகள், பள்ளி விவரங்கள் உள்ளிட்ட அனைத்து தகவல்களையும் துல்லியமாக சேகரிக்க வேண்டும் என மாவட்ட நிர்வாகிகளுக்கு உத்தரவிடப்பட்டுள்ளது. இந்த செயல்முறை மூலம் தகுதியான மாணவர்கள் எவரும் விடுபடாமல் இருக்க உறுதி செய்யப்படும். மாணவர்களின் தரவுகளை சேகரிப்பதில் மாவட்ட நிர்வாகிகள் முக்கியப் பங்கு வகிக்கின்றனர்.

இதையும் படிங்க: நேரலை நிறுத்தம் ஏன்..? சட்டசபையில் ஜனநாயகத்தின் குரல் மியூட்..! வறுத்தெடுத்த நயினார்..!!

பள்ளிகளுடன் தொடர்புகொண்டு, தேர்வு முடிவுகளைப் பெறுதல், மாணவர்களின் தகுதியை உறுதிப்படுத்துதல், பெற்றோர்களுடன் தொடர்பு கொள்ளுதல் உள்ளிட்ட பணிகள் துரிதமாக மேற்கொள்ளப்படுகின்றன. இந்த நடவடிக்கை முழுமையான வெளிப்படைத்தன்மையுடன் செயல்படுத்தப்படும் என எதிர்பார்க்கப்படுகிறது. கடந்த ஆண்டுகளில் இந்த விழா மாமல்லபுரம் உள்ளிட்ட இடங்களில் பிரம்மாண்டமாக நடைபெற்றது. விஜய் முதல்வராக பொறுப்பேற்ற பிறகு நடைபெறும் முதல் விருது வழங்கும் விழா என்பதால் பெரும் எதிர்பார்ப்பை ஏற்படுத்தி உள்ளது. 

இதையும் படிங்க: CM விஜயை விமர்சித்த திமுக எம்எல்ஏ... கொளத்தூரை இழுத்து விட்ட சம்பவம்..! ஆஸ்டின் கேள்வி.. ஆதவ் பதிலடி..!