தமிழக வாழ்வுரிமைக் கட்சித் தலைவர் தி. வேல்முருகன், சிறப்புத் தீவிர வாக்காளர் பட்டியல் திருத்த (SIR) நடவடிக்கை குறித்து கடும் கவலை தெரிவித்துள்ளார். SIR-ல் குழப்பம் நீங்காத நிலையில் SSR எதற்காக என்றும், வாக்குரிமைக்காக மக்கள் வாழ்வாதாரத்தை விட்டு அலைய வேண்டுமா என்றும் அவர் கேள்வி எழுப்பியுள்ளார்.தமிழ்நாட்டின் இறுதிப் பட்டியலில் சுமார் 70 லட்சம் பதிவுகள் நீக்கப்பட்டதாக தேர்தல் அதிகாரிகள் தெரிவித்துள்ளனர்.
இறந்தவர்கள், இடம்பெயர்ந்தவர்கள், இரட்டைப் பதிவுகள் காரணமாக நீக்கப்பட்டதாக ஆணையம் விளக்கம் அளித்தாலும், தகுதியான வாக்காளர்களின் பெயர்கள் தவறுதலாக நீக்கப்படவில்லை என்பதற்கு உறுதி என்ன என வேல்முருகன் கேட்டுள்ளார்.ஆணையத்தின் செயல்பாடுகள் குறித்து உள்ளேயே ஆட்சேபனைகள் எழுந்து தலைமை தேர்தல் ஆணையர் பதவி விலகக் கோரி போராட்டங்கள் நடைபெறும் நிலையில், வெளிப்படைத்தன்மை மற்றும் சுயாதீனம் குறித்து தெளிவான விளக்கம் தேவை என அவர் வலியுறுத்தியுள்ளார்.
SSR மூலம் பெயர் விடுபட்டவர்கள் தடையின்றி மீண்டும் இடம்பெறுவார்கள் என்பதற்கான உத்தரவாதம் என்ன, தவறான நீக்கம் அல்லது தொழில்நுட்பப் பிழையால் பாதிக்கப்பட்டால் சரிசெய்யும் எளிய நடைமுறை என்ன, பொறுப்பு யார் என்றும் கேட்டுள்ளார்.தொழிலாளி, விவசாயி, கூலித் தொழிலாளி உள்ளிட்டோர் வாழ்வாதாரத்திற்காக உழைக்க வேண்டுமா அல்லது ஆவணங்களுடன் அலைய வேண்டுமா என அவர் கேட்டுள்ளார். அரசின் நடைமுறைகள் மக்களின் வாழ்க்கையை எளிதாக்க வேண்டும்.
இதையும் படிங்க: தலைமை தேர்தல் ஆணையருக்கு எதிரான போராட்டத்தை புறக்கணிக்கிறதா தவெக?... செங்கோட்டையன் கொடுத்த ஷாக்கிங் விளக்கம்...!
நேரத்தையும் உழைப்பையும் பறிக்கக் கூடாது என்றார்.ஆணையத்தின் ஒவ்வொரு நடவடிக்கைக்கும் காரணம், நடைமுறை, பொறுப்பை வெளிப்படையாக விளக்க வேண்டும். ஒன்றிய அரசின் தலையீடு குறித்த கேள்விகளுக்கு அதன் சுதந்திரத்தை உறுதிப்படுத்தும் நடவடிக்கைகளைத் தெளிவுபடுத்த வேண்டும். தமிழ்நாடு அரசும் மக்களின் வாக்குரிமை பாதிக்காமல் சட்டரீதியாகவும் நிர்வாக ரீதியாகவும் குரல் கொடுக்க வேண்டும்.வாக்குரிமை அரசியலமைப்பு வழங்கிய உரிமை. ஆணையம், ஒன்றிய அரசு, தமிழ்நாடு அரசு தெளிவான உறுதியை வழங்க வேண்டும் என கட்சி சார்பில் வேல்முருகன் வலியுறுத்தியுள்ளார்.
இதையும் படிங்க: ராகுல் காந்தியை சந்திக்க மறுக்க இதுதான் காரணம்?! தலைமை நீதிபதி சூர்யகாந்த் சொன்ன காரணம்!