தமிழ்நாட்டின் நாகப்பட்டினம் மாவட்டத்தில், வங்காள விரிகுடாவின் அழகிய கடற்கரையோரம் அமைந்துள்ள வேளாங்கண்ணி புனித ஆரோக்கிய மாதா பேராலயம், உலகப் புகழ்பெற்ற கத்தோலிக்க திருத்தலமாக விளங்குகிறது. இந்த ஆலயம், கிறிஸ்தவ மதத்தைச் சார்ந்தவர்கள் மட்டுமல்லாமல், அனைத்து மதங்களைச் சேர்ந்த பக்தர்களையும் ஈர்க்கும் ஆன்மீக மையமாகத் திகழ்கிறது. இயேசுவின் தாயாக வணங்கப்படும் கன்னி மரியை, ஆரோக்கிய மாதாவாக வணங்கும் இந்த ஆலயம், 16ஆம் நூற்றாண்டு முதல் பக்தர்களின் பயபக்தியின் மையமாக உள்ளது.

இதன் வரலாறு மூன்று அற்புத நிகழ்வுகளுடன் பிணைந்துள்ளது, இவை இந்த ஆலயத்தின் புகழை உலகெங்கும் பரப்பியுள்ளன. ஒவ்வொரு ஆண்டும் ஆகஸ்ட் 29 முதல் செப்டம்பர் 8 வரை நடைபெறும் ஆரோக்கிய மாதாவின் ஆண்டு திருவிழா, இந்தியாவில் மிக முக்கியமான கிறிஸ்தவ திருவிழாக்களில் ஒன்றாகக் கொண்டாடப்படுகிறது.  இந்த திருவிழா, கன்னி மரியாவின் பிறப்பு விழாவை மையமாகக் கொண்டு, உலகெங்கிலும் உள்ள பக்தர்களை ஈர்க்கிறது. இந்தியாவின் பல்வேறு மாநிலங்களிலிருந்தும், வெளிநாடுகளிலிருந்தும் லட்சக்கணக்கான பக்தர்கள் இந்தத் திருவிழாவில் கலந்து கொள்கின்றனர். திருவிழாவின் முதல் நாள், ஆலயத்தில் கொடியேற்றத்துடன் தொடங்குகிறது.

 இது பக்தர்களின் ஆன்மீக உணர்வை உயர்த்தும் முக்கிய நிகழ்வாகும். திருவிழா காலத்தில், ஆலயத்தில் தினசரி திருப்பலிகள், பிரார்த்தனைகள், மற்றும் பக்தி நிகழ்ச்சிகள் நடைபெறுகின்றன. முக்கிய நிகழ்வாக, ஆரோக்கிய மாதாவின் திருவுருவச் சிலை அலங்கரிக்கப்பட்டு, பவனியாக எடுத்துச் செல்லப்படுகிறது. இந்த பவனி, கடற்கரையோரம் நடைபெறும் மிக முக்கியமான நிகழ்ச்சியாகும், இதில் பக்தர்கள் பாடல்களுடனும், மெழுகுவர்த்திகளுடனும் பங்கேற்கின்றனர்.

இதையும் படிங்க: #BREAKING: பொது இடங்களில் கொடிக்கம்பங்களை அகற்றும் உத்தரவுக்கு இடைக்கால தடை.. சுப்ரீம் கோர்ட் அதிரடி..!

இந்த நிலையில், நடப்பாண்டு காண வேளாங்கண்ணி மாதா கோவில் திருவிழா நாளை கோலாகலமாக தொடங்க உள்ளது. மாலை 6 மணி அளவில் கொடியேற்றம் நடைபெற இருக்கிறது. இதற்காக ஏராளமான கிறிஸ்தவர்கள் வேளாங்கண்ணிக்கு  படையெடுத்துள்ளனர். தஞ்சை மறை மாவட்ட ஆயர் சகாயராஜ் கொடியை புனிதம் செய்து வைக்கிறார். தொடர்ந்து பேராலய கலையரங்கில் மாதா மன்றாட்டு, நற்கருணை ஆசீர், தமிழ் திருப்பலி உள்ளிட்டவை நடைபெற உள்ளன.

வேளாங்கண்ணி மாதா கோவில் திருவிழாவின் சிகர நிகழ்ச்சி யான ஆரோக்கிய மாதாவின் பெரிய தேர் பவனி செப்டம்பர் ஏழாம் தேதி இரவு 7:30 மணி அளவில் நடைபெற உள்ளது. மேலும் செப்டம்பர் எட்டாம் தேதி புனித ஆரோக்கிய மாதாவின் பிறந்தநாள் விழா நடைபெற உள்ளது அன்றைய தினம் மாலை ஆறு மணியளவில் திருக்கொடி இறக்கும் நிகழ்ச்சியில் நடைபெற உள்ளது.

இதையும் படிங்க: தவெக மாநாட்டில் 40 அடி கொடிக்கம்பம்... தயார் நிலையில் பாரபத்தி!