தமிழக துணை முதலமைச்சரும், திமுக இளைஞரணி செயலாளருமான உதயநிதி ஸ்டாலின் மீது பாஜக மாநிலத் தலைவர் அமர் பிரசாத் ரெட்டி சர்ச்சைக்குரிய கருத்தை வெளியிட்டுள்ளார்.
2025 மே 19 அன்று எக்ஸ் தளத்தில், "உதயநிதி, புழல் சிறையில் பிளாக் நம்பர் 3, செல் நம்பர் 2 உனக்காக காத்திருக்கிறது" என்று பதிவிட்டு, அரசியல் வட்டாரத்தில் பரபரப்பை ஏற்படுத்தியுள்ளார்.
இந்த கருத்து, உதயநிதி ஸ்டாலினுக்கு எதிராக அமர் பிரசாத் ரெட்டி மறைமுகமாக மிரட்டல் விடுப்பதாகவே பார்க்கப்படுகிறது. இதற்கு முன்னர், 2023 செப்டம்பரில், உதயநிதி ஸ்டாலின் சநாதன தர்மம் குறித்து பேசிய பேச்சு பெரும் சர்ச்சையை ஏற்படுத்தியது. இதனால், அவர் மீது பல்வேறு மாநிலங்களில் வழக்குகள் பதிவு செய்யப்பட்டன.
இதையும் படிங்க: என்னை குற்றவாளி போல நடத்துறாங்க... தற்கொலை பண்ணிப்பேன்! கதறும் இளம்பெண்!
இருப்பினும், உச்சநீதிமன்றம் புதிய வழக்குகள் பதிவு செய்ய தடை விதித்து, உதயநிதிக்கு ஆஜராக விலக்கு அளித்தது.
அமர் பிரசாத் ரெட்டியின் இந்தப் பதிவு, திமுக-பாஜக இடையேயான அரசியல் மோதலை மேலும் தீவிரப்படுத்தியுள்ளது. உதயநிதி ஸ்டாலின், தமிழ்நாட்டின் உரிமைகளைப் பாதுகாக்கவும், மத்திய அரசின் கொள்கைகளுக்கு எதிராகவும் தொடர்ந்து குரல் கொடுத்து வருகிறார்.
குறிப்பாக, மும்மொழிக் கொள்கை மற்றும் தொகுதி மறுவரையறை தொடர்பாக அவர் மத்திய அரசை விமர்சித்து வருகிறார்.
இந்த சர்ச்சை, தமிழகத்தில் அரசியல் உரையாடல்களை மேலும் சூடுபடுத்தியுள்ளது. உதயநிதி இதற்கு பதிலளிக்கவில்லை என்றாலும், இது திமுக ஆதரவாளர்கள் மத்தியில் கடும் எதிர்ப்பை ஏற்படுத்தியுள்ளது.
இதையும் படிங்க: கையில் உதயநிதி, அன்பில் மகேஷ் TATTOO... ஏழைப் பெண்கள் தான் டார்கெட்! திமுக நிர்வாகி மீது இளம்பெண் பகிர் குற்றச்சாட்டு..!