பீகார் மாநிலம் ராஜ்கிரில் 12-வது ஆடவர் ஆசியக் கோப்பை ஹாக்கி சாம்பியன்ஷிப் 2025 இன்று (ஆகஸ்ட் 29) கோலாகலமாக தொடங்கியது. இந்தியாவில் நடைபெறும் இந்த முக்கியமான தொடர், ஆசிய ஹாக்கி கூட்டமைப்பு (AHF) மற்றும் ஹாக்கி இந்தியாவின் கீழ் ஏற்பாடு செய்யப்பட்டுள்ளது. இந்தப் போட்டி ஆகஸ்ட் 29 முதல் செப்டம்பர் 7ம் தேதியான இன்று வரை நடைபெற்றது. 

இந்தத் தொடரில் 8 அணிகள் பங்கேற்றன. இதில் சாம்பியன் பட்டம் வெல்லும் அணி 2026-ல் பெல்ஜியம் மற்றும் நெதர்லாந்தில் நடைபெறும் உலகக் கோப்பைக்கு நேரடியாக தகுதி பெறும் என்பதால், இந்தத் தொடர் மிகுந்த முக்கியத்துவம் வாய்ந்ததாக அமைகிறது. முதல் நாள் ஆட்டத்தில், மூன்று முறை சாம்பியனான இந்திய அணி, தரவரிசையில் 23-வது இடத்தில் உள்ள சீனாவுடன் பலப்பரீட்சை நடத்தியது. இந்திய அணி, ‘ஏ’ பிரிவில் சீனா, ஜப்பான், கஜகஸ்தான் அணிகள் இடம்பெற்றன. ‘பி’ பிரிவில் தென் கொரியா, மலேசியா, வங்கதேசம், சீன தைபே அணிகள் இடம்பெற்றன

இதையும் படிங்க: டீம் இந்தியாவின் டைட்டில் ஸ்பான்சராக ட்ரீம்11 தொடர விருப்பமில்லை.. புதிய ஸ்பான்சரை தேடும் BCCI..!!

இந்நிலையில் இந்திய ஆண்கள் ஹாக்கி அணி, 2025 ஆசியக் கோப்பை தொடரில் சாம்பியன் பட்டம் வென்று ஹாட்ரிக் சாதனை படைத்து அசத்தியுள்ளது. இந்திய அணி தொடர்ந்து நான்காவது முறையாக பட்டம் வென்று ஆசியாவில் தனது ஆதிக்கத்தை நிலைநாட்டியது. குரூப் ஏ பிரிவில் இடம்பெற்ற இந்திய அணி, லீக் சுற்றில் சீனாவை 4-3 என்ற கோல் கணக்கிலும், ஜப்பானை 3-2 என்ற கோல் கணக்கிலும் வென்று முதலிடம் பிடித்து அரையிறுதிக்கு முன்னேறியது. 

கஜகஸ்தானுக்கு எதிரான கடைசி லீக் ஆட்டத்திலும் அபாரமாக விளையாடி வெற்றி பெற்று தனது வலிமையை வெளிப்படுத்தியது. அரையிறுதியில் மலேசியாவை எதிர்கொண்ட இந்திய அணி, துல்லியமான கோல் அடிக்கும் திறனால் எளிதாக வெற்றி பெற்றது. இறுதிப்போட்டியில் தென் கொரியாவை 4-1 என்ற கோல் கணக்கில் வீழ்த்தி, இந்தியா பட்டத்தை கைப்பற்றியது.

கேப்டன் ஹர்மன்ப்ரீத் சிங்கின் தலைமையில், இந்திய அணியின் ஒருங்கிணைந்த செயல்பாடு மற்றும் இளம் வீரர்களின் ஆற்றல் பாராட்டப்பட்டது. இந்த வெற்றி 2026 ஆண்கள் உலகக் கோப்பைக்கு இந்தியாவுக்கு நேரடி தகுதி வழங்கியுள்ளது. இந்திய அணியின் இந்த அபார வெற்றி, ரசிகர்கள் மத்தியில் பெரும் உற்சாகத்தை ஏற்படுத்தியுள்ளது. 

இந்திய ஹாக்கி கூட்டமைப்பு, அணியின் தொடர் வெற்றிகளுக்கு பயிற்சியாளர்கள் மற்றும் வீரர்களின் அர்ப்பணிப்பை பாராட்டியது. இந்த சாதனை, இந்திய ஹாக்கியின் மறுமலர்ச்சியை உலகுக்கு எடுத்துக்காட்டுவதாக அமைந்துள்ளது.
 

இதையும் படிங்க: பீகாரில் தொடங்கியது ஆசியக்கோப்பை ஹாக்கிப் போட்டிகள்.. முதல் ஆட்டத்தில் மோதும் இந்தியா-சீனா..!!