தமிழ் திரையுலகில் எப்போதும் சூப்பர் ஸ்டார் என்றால் அது ரஜினிகாந்த்தையே குறிக்கும். அவருடைய ஒவ்வொரு திரைப்படமும் ஒரு திருவிழாவாக ரசிகர்களால் கொண்டாடப்படுகிறது. அந்த வகையில் தற்போது மிகுந்த எதிர்பார்ப்பை ஏற்படுத்தியுள்ள திரைப்படம் தான் “கூலி”. இந்தப் படம், திரையுலகின் சக்தி வாய்ந்த இயக்குநரான லோகேஷ் கனகராஜ் மற்றும் சூப்பர் ஸ்டார் ரஜினிகாந்த் ஆகியோரின் முதல் கூட்டணியாகும். இதுவே ரசிகர்களிடம் மிகப்பெரிய எதிர்பார்ப்பை உருவாக்கியுள்ளது. அனிருத் இசையமைக்கும் இந்தப் படம், ஆகஸ்ட் 14-ம் தேதி திரையரங்குகளில் வெளியாக உள்ளது. எனவே, “கூலி” திரைப்படத்தில், தமிழை தாண்டி பன்மொழி நட்சத்திரங்களை கொண்ட பிரமாண்டமான நட்சத்திர பட்டாளம் உள்ள படமாக இப்படம் உள்ளது.

இதில், அமீர் கான், நாகார்ஜுனா, சத்யராஜ், பகத் பாசில், சௌபின் ஷாஹிர், ஸ்ருதிஹாசன், ரெபா மோனிகா ஜான், உபேந்திரா ஆகியோர் முக்கியமான கதாப்பாத்திரங்களில் நடிக்கின்றனர். இந்த நடிகர்கள் ஒவ்வொருவரும் தனித்தனி மொழி திரையுலகில் பெரிய வரவேற்பைப் பெற்றவர்கள் என்பதாலும், இத்திரைப்படம் பான் இந்தியன் படமாக உருவாகி வருவதை வெளிப்படையாக காட்டியுள்ளது. இந்த படத்தின் இரண்டாம் பாடல் ‘மோனிகா’, கடந்த வாரம் வெளியானது. இந்த பாடல் தற்போது இணையதளங்களில் வைரலாகி, ரசிகர்களின் ஆதரவையும், பாராட்டுகளையும் பெற்றுள்ளது. இந்த பாடலில், பூஜா ஹெக்டே, சௌபின் ஷாஹிர், மற்றும் ரஜினிகாந்த் ஆகியோர் இணைந்து நடனமாடும் காட்சிகள், ரசிகர்களின் கவனத்தை பெற்றுள்ளது. இந்த பாடலின் துவக்கமே ஒரு சர்ப்பிரைஸ் ஆக இருக்க, அதனை அனிருத் இசையில் சுப்லாஷினி மற்றும் அனிருத் பாடியுள்ளனர். மேலும், அசல் கோலார் செய்த RAP பாடல் பாகம் இளையர்களிடையே பெரும் வரவேற்பை பெற்றுள்ளது. இப்-பாடலை எழுதியவர் விஷ்ணு ஏதவன். அவரது வரிகள், இன்றைய தலைமுறையினரின் பேச்சு, காதல், தைரியம் ஆகியவற்றை துல்லியமாக வெளிப்படுத்துகின்றன. இந்தப்பாடலின் மிக முக்கியமான அம்சம் அதன் நடனம். “மோனிகா” பாடலுக்கு சாண்டி மாஸ்டர் நடன இயக்குநராக பணியாற்றியுள்ளார். அவருடைய திறமை, புது யோசனை, மற்றும் நவீன நடன வகைகள் இந்த பாடலில் அழகாக உருவாகியிருக்கின்றன.

இது குறித்து சாண்டி மாஸ்டர், சமூக வலைதளங்களில் வெளியிட்ட வீடியோவில் "இந்த வாய்ப்பை எனக்குக் கொடுத்த லோகேஷ் சார், அனிருத், ரஜினி சார் மற்றும் குழுவினர் அனைவருக்கும் நன்றிகள். இந்த வாய்ப்பு எனக்கு மிகுந்த மகிழ்ச்சியை அளித்தது. ‘மோனிகா’ பாடலால் என் வாழ்நாள் முழுவதும் நினைவில் இருக்கும்" என தெரிவித்துள்ளார். அவர் இந்த பதிவை இன்ஸ்டாகிராம் பக்கத்தில் பதிவிட்டிருந்தார். அதில், சாண்டி மாஸ்டர் மற்றும் நடிகர் சௌபின் ஷாஹிர் இணைந்து “மோனிகா” பாடலை பார்த்துக் கொண்டிருக்கும் ஒரு வீடியோவும் இணைக்கப்பட்டுள்ளது. இதில், சௌபின், சாண்டி மாஸ்டரிடம் அன்பு காட்டி முத்தமிட்ட காட்சி ரசிகர்களின் கவனத்தை பெற்றது.

இதையும் படிங்க: பிளாக் பஸ்டர் ஹிட் கொடுக்கும் "கூலி"..! புது தளபதி-யை காண தயாரா.. நெகிழ்ச்சியில் ரஜினி..!

சாண்டி பேசியதை கிளிக் செய்து பார்க்கலாம்..

அந்த வீடியோ, ரசிகர்களால் பெரிதும் பகிரப்பட்டு, பல்வேறு சமூக வலைதளங்களில் வைரலாக பரவி வருகிறது. இப்படிப்பட்ட “கூலி” திரைப்படம், மாஸ், ஸ்டைல், நவீன பாணியில் தயாராகி வருகிறது என பல சினிமா வட்டார செய்தியாளர்கள் தெரிவிக்கின்றனர். படம் பற்றி வெளியாகிய டீசர், பர்ஸ்ட் லுக், மற்றும் மோனிகா பாடல் ஆகியவை தற்போது வரை மிகுந்த நம்பிக்கையையும், எதிர்பார்ப்பையும் ஏற்படுத்தியுள்ளது. ரஜினிகாந்த் மற்றும் லோகேஷ் கனகராஜ் கூட்டணியில் உருவாகும் முதல் படம் என்பதால், ரசிகர்களிடம் இப்படம் தனி ஈர்ப்பு உள்ளது. மேலும், அனிருத் இசை, சாண்டி நடனம், பல்வேறு மொழி நட்சத்திரங்களின் இணைப்பு என இந்த படம், ஒரு முழுமையான பான் இந்தியன் மாஸ் படமாக நம்பப்படுகிறது.

ஆகவே, “மோனிகா” பாடல் வெற்றி, “கூலி” திரைப்படத்தின் மீது நிலவி வரும் அதிகப்படியான எதிர்பார்ப்புகள், பிரம்மாண்ட நட்சத்திர பட்டாளம், சக்திவாய்ந்த இயக்கம், ரஜினியின் ஸ்டைல், அனிருத் இசை மற்றும் சாண்டி நடனம் என இவை அனைத்தும் சேர்ந்துள்ள இந்த திரைப்படம், தமிழ் சினிமாவின் வரலாற்றில் முக்கியமாக பேசப்படும் படமாக உருவாக வாய்ப்பு உள்ளது.

இதையும் படிங்க: இந்திய சினிமா வரலாற்றிலேயே முதல் முறையாக... உலகெங்கும் "கூலி" திரைப்படம்... செம அப்டேட்..!