திருமணத்திற்கு முன்பு என்றும் அழகாக இருந்த கீர்த்தி சுரேஷ் திருமணத்திற்கு பின்பாக மிகவும் அழகாக மாறி இருக்கிறார் என்று எத்தனை பேர் உணர்ந்து உள்ளீர்கள். அந்த அளவிற்கு மிகவும் மகிழ்ச்சியாக தற்பொழுது உலகம் முழுவதும் தனி பறவையாக இல்லாமல் தனது கணவருடன் இணைந்து ஜோடி பறவையாக இறக்கைகட்டி சிறகடித்து பறந்து வருகிறார் நடிகை கீர்த்தி சுரேஷ். பார்க்கும் இடங்களில் எல்லாம் ஜாலி செய்து, வைப் பண்ணிக்கொண்டு அழகிய சிரிப்புடன் காணப்படுகிறார் நடிகை கீர்த்தி.

இந்த நிலையில், தமிழ் திரையுலகில் குழந்தை நட்சித்திரமாக தனது பயணத்தை ஆரம்பித்த கீர்த்தி சுரேஷ், நடிகர் விஜய், சிவகார்த்திகேயன், விக்ரம், என பல முன்னணி நடிகர்களுடன் நாயகியாக நடித்து தற்பொழுது பாலிவுட்டிலும் நடித்து வந்தாலும் இன்னும் அந்த குழந்தை முகமும் குழந்தை தனமான சிரிப்பும் இன்றும் மாறாமல் அப்படியே அவரிடம் காணப்படுகிறது. குழந்தையாக இருக்கும் கீர்த்தி சுரேஷ் இதுவரை, இது என்ன மாயம், தொடரி, ரெமோ, ரஜினி முருகன், பாம்பு சட்டை, பைரவா, சண்டக்கோழி 2, சீமராஜா, சாமி 2, சர்கார், நடிகையர் திலகம், தானா சேர்ந்த கூட்டம், மிஸ் இந்தியா, பெண்குயின், மரக்கர்: அரபிக்கடலின் சிம்ஹம், அண்ணாத்த, சாணிக் காயிதம், குட் லக் சகி, மாமன்னன், சைரன், ரகு தாத்தா, கல்கி 2898 AD போன்ற படங்களில் நடித்துள்ளார். இன்னும் கண்ணிவெடி மற்றும் ரிவால்வர் ரீட்டா போன்ற படங்களில் நடித்தும் வருகிறார். 

இதையும் படிங்க: என்னையா நடக்குது இங்க... கன்னடத்தில் பேசி வீடியோ வெளியிட்ட கமல்ஹாசன்... குழப்பத்தில் ரசிகர்கள்...!

இதனை அடுத்து,படங்களில் ஹீரோக்களுடன் ரொமான்ஸ் காட்சிகளில் நடிக்கும் கீர்த்தி எப்பொழுது தனது உண்மையான ஹீரோவுடன்  திருமணம் முடித்து ரொமான்ஸ் செய்வார் என ரசிகர்கள் கேட்டு ஆவலுடன் காத்திருக்க, கடந்த 2024 டிசம்பர் 12ஆம் தேதி கேரளாவை சேர்ந்த தொழிலதிபர் 'அந்தோணி தட்டிலை கோவாவில் பாரம்பரிய முறைப்படி திருமணம் செய்துகொண்டார். இதனையடுத்து, தற்பொழுது வரை ஹனிமூனில் பிசியாக இருக்கும் கீர்த்தி சுரேஷ், பிராமண முறைப்படி நடந்த திருமணத்திற்கு பிறகு, கிறிஸ்தவ முறைப்படி நடைபெற்ற திருமண போட்டோக்களை பகிர்ந்து ரசிகர்களை உற்சாகப்படுத்தி இருந்தார். இதனை அடுத்து, பார்ட்டிகளுக்கும் தனது கணவருடன் ரியல் ஹீரோ, ஹீரோயினாக என்ட்ரி கொடுத்து, டான்ஸ் வைஃப் கொடுத்து தங்களது மகிழ்ச்சியை வெளிக்காட்டி வருகிறார்.

இப்படி இருக்க, கீர்த்தி சுரேஷ் திருமணத்திற்கு பின்பு எந்தவித படங்களிலும் நடிக்க போவதில்லை என பலரும் விமர்சித்து வரும் இந்த வேளையில், திருமணத்திற்கு பின்பு மீண்டும் தனது சினிமாவின் அத்தியாயத்தை தொடங்கியுள்ளார் நடிகை கீர்த்தி சுரேஷ், அந்த வகையில், தி ரூட், தி ஃபேஷன் ஸ்டூடியோஸ் ஆகிய நிறுவனங்களின் தயாரிப்பில், சரஸ்வதி சபதம் படத்தை இயக்கிய ஜே.கே.சந்துரு இயக்கத்தில் நடிகை கீர்த்தி சுரேஷின் நடிப்பில் வெளியாக காத்திருக்கும் திரைப்படம் தான் " ரிவால்வர் ரீட்டா".

கடந்த வருடமே இப்படத்தின் படப்பிடிப்புகள் முடிந்துள்ள நிலையில் தற்பொழுது இப்படத்திற்கான அப்டேட் கிடைத்துள்ளது. அதன்படி, ஏற்கனவே கீர்த்தி சுரேஷின் பிறந்த நாளில் இப்படத்தின் ட்ரெய்லர் வெளியான நிலையில் இப்படத்தின்மீதுள்ள எதிர்பார்ப்பு மக்கள் மத்தியில் அதிகரித்துள்ளது. ஆகவே இன்று இப்படத்தின் முக்கிய அப்டேட்டை வெளியிட இருப்பதாக படக்குழு தரப்பில் இருந்து தெரிவிக்கப்பட்டுள்ளது. 

இதனால் ரசிகர்கள் ஒருபக்கம் ஆர்வமாக காத்திருக்க, கீர்த்தி சுரேஷும் ஆவலாக காத்திருப்பதாக தெரிவித்துள்ளார்.

இதையும் படிங்க: பாதியிலேயே நிறுத்தப்பட்ட "காஞ்சனா 4" படப்பிடிப்பு...! வருத்தத்தில் ரசிகர்கள்..!