தமிழ் சினிமாவில் இசையமைப்பாளராக தனக்கென தனி இடத்தைப் பிடித்துள்ளவர் தான் சாம் சி.எஸ். இவர் 'விக்ரம் வேதா, கைப்புள்ளி, அருவி, இராவன், துக்ளக் தர்பார்' உள்ளிட்ட திரைப்படங்களின் மூலம் பல்வேறு இசையை ரசிகர்களுக்கு வழங்கியவர். தனது தனித்துவமான இசை அம்சங்களால் விமர்சன ரீதியாக பாராட்டுகள் பெற்றிருந்த சாம் சி.எஸ், தற்போது தனது ஆதங்கத்தை வெளிப்படுத்தியுள்ளார். அதன்படி,  தற்போது அதிகமாக ப்ரமோஷன் செய்யப்படுகிற இளைய இசையமைப்பாளர் சாய் அபயங்கர் குறித்து பேசியிருக்கிறார்.

சாம் சி.எஸ். பேசுகையில், "நா ஒரு பத்து வருடமா இந்த துறையில இருக்கேன். இன்னும் என்னுடைய இசையோட வளர்ச்சி நியாயமா முன்னேறல. இப்ப ப்ரமோஷன் மட்டும் முக்கியமா பாத்துட்டு, புதுசா வந்தவங்க மேலயே அதிகமான கவனம் செலுத்துறாங்க. இது தப்பா போயிடுது. ஏன் நான் ஒரு உதாரணம் சொல்லட்டுமா? சாய் அபயங்கரை இப்ப யாரோ ப்ரமோட் பண்றாங்க… ஆனால் அந்த அளவுக்கு இவர் வேலை பாத்தீங்களா… ஏன் இந்த அளவு ஹைப்பா இருக்கணும் என்று எனக்கே புரியல.. இப்படி தான் எல்லாரும் ஒரு கட்டத்துல இப்படிப்பட்ட சூழ்நிலைகளால் தள்ளிப் போறாங்க. நான் சொல்லுறதுக்கு காரணம், நான் இப்படித்தான் ‘படம் பண்றதையே விட்டுடுறேன்னு’ நினைக்க ஆரம்பிச்சுட்டேன். உழைப்புக்கு கிடைக்க வேண்டிய அங்கீகாரம் சரியாக கிடைக்காமலேயே இருக்கு. நான் ஒரு மாதிரி வேற லெவலுக்கு போகணும்னு உழைக்கிறேன்னு நினைச்சேன். ஆனா யாரும் கேட்க மாட்டாங்க, யாரும் பாக்க மாட்டாங்க. நம்மை விட யாராவது PR பண்ணினா அவங்க மேலவே கவனத்தை வச்சு பாக்குறாங்க. இது தான் நம்ம துறையின் உண்மை நிலை. இப்போ நான் ஏன் வேலை பண்ணணும்? என்னோட இசையைக் கேட்டு ரசிக்கிறவங்க இருக்காங்கன்னு நம்பி தான் இன்னும் இருக்கேன்" எனத் தனது உணர்ச்சிகளை வெளிப்படையாகக் கூறியுள்ளார்.

இப்படியாக, சாம் சி.எஸ். இப்படி வெளிப்படையாக தனது ஆதங்கத்தை பொதுவெளியில் தெரிவிப்பது, தமிழ் சினிமா வட்டாரத்தில் ஒரு பெரிய விவாதத்துக்கு வழிவகுக்கிறது. தற்போது சில புதிய இசையமைப்பாளர்கள், குறிப்பாக சாய் அபயங்கர் போன்றவர்கள், ஒரு சில முன்னணி இயக்குநர்கள், பிஆர் நிறுவனங்கள் மற்றும் புரொடக்‌ஷன் ஹவுஸ்களின் ப்ரமோஷன் ஸ்ட்ராடஜிக்களால் அதிக முக்கியத்துவம் பெறுவதாக வலியுறுத்தப்படுகிறது. அந்த வகையில், ஆர்.ஜே. பாலாஜி இயக்கும் ‘கருப்பு’ படத்திற்கு சாய் அபயங்கர் இசையமைப்பதாக அறிவிக்கப்பட்டிருந்தது. இந்த படத்திற்காக சில முன்னிலை பிஆர் முயற்சிகள் மூலம் சாய் அபயங்கர் மீதான எதிர்பார்ப்பு பெரிதாக உயர்த்தப்பட்டுள்ளது.

இதையும் படிங்க: ரஜினியின் ‘கூலி’ படத்தில் உலக நாயகனா..! அதிரடியான ட்வீஸ்ட்களை களமிறக்கும் லோகேஷ் கனகராஜ்..!

இதற்கே எதிர்வினையாக சாம் சி.எஸ். இவ்வாறு தனது கருத்துகளைத் தெரிவித்து இருக்கலாம். அவரது இந்த வீடியோ சமூக வலைதளங்களில் வைரலாகி வரும் நிலையில், பலரும் சாம் சி.எஸ்.வின் உணர்வுகளை ஆதரிக்கின்றனர். சிலர், "உழைப்புக்கு மதிப்பு இல்லாமல் மார்க்கெட்டிங்-ஐ மட்டும் அடிப்படையாக வைத்துக்கொண்டால், கலை நசங்கிவிடும்" என்பது போன்ற கருத்துக்களை பகிர்ந்து வருகின்றனர் . மற்றொரு பக்கம், சிலர், "புதுமுகங்களுக்கு வாய்ப்பு வழங்கப்படுவது ஒரு நல்ல காரியம் தானே" என கூறி வருகின்றனர். மேலும், இது போன்ற ஆதங்கங்களை வெளிப்படுத்திய பிறகு, சாம் சி.எஸ். தற்காலிகமாக சினிமா இசையில் இருந்து விலக விரும்புகிறாரா என்ற கேள்வி எழுந்துள்ளது. அவர் தனது வீடியோவில் "படம் பண்றதை விட்டுறேன்" என கூறுவது அவரது வருத்தத்தின் உச்சமாகத் தெரிகிறது. இது அவரது ரசிகர்களிடையே அவரது இசைப் பயணத்தைப் பற்றிய கேள்விகளையும், கவலையையும் ஏற்படுத்தியுள்ளது. இந்த வீடியோ, தமிழ் சினிமா மற்றும் அதன் பின்புலக் கலைஞர்களுக்கிடையே நிலவும் அமைதி பற்றிய சிந்தனையை குறித்து பார்ப்பதாக உள்ளது. ஒருபக்கம் புதியவர்களுக்கு வாய்ப்பு வழங்கப்பட வேண்டும் என்பது உண்மை.

மற்றொரு பக்கம், நீண்ட காலமாக உழைக்கும் கலைஞர்களின் அர்ப்பணிப்புக்கும் அங்கீகாரம் வழங்கப்பட வேண்டும் என்பதும் மறுக்க முடியாத உண்மை. ஆகையால், சாம் சி.எஸ். கூறும் இந்த வாதம், சினிமா தொழில்நுட்ப உலகில் ஒரு மாறுதலுக்கு துவக்கமாக பார்க்கடுகிறது.

இதையும் படிங்க: விஜய் சேதுபதி - பூரி ஜெகநாத் கூட்டணியில் தயாராகும் புது படம்..! சீக்ரட்டாக கிறிஸ்துமஸ்-க்கு ரிலீஸ் செய்ய திட்டம்..!